وۋ، حالايىق! ارزان بوپ تۇرعاندا جۇمىرتقا الىپ قالايىق! شىمكەنتتە كەشە عانا ون داناسى - 320 تەڭگەدەن ساتىلىپ كەلگەن جۇمىرتقانىڭ باعاسى بۇگىن – 220 تەڭگە بوپ تۇر. ال، كەلىسى 350-450 تەڭگەگە جەتكەن ماندارين 280-300دەن، مىڭ تەڭگەلىك قيار 550-700 تەڭگەگە ساۋدالانۋدا. بۇل جونىندە مالىمەتتى matritca.kz ءتىلشىسى حابارلايدى.

انشەيىندە، «جابايى» ساۋدادان اياق الىپ جۇرە المايتىن، «قىرعى بازاردىڭ» اينالاسى تاعى دا تازارىپ قالىپتى. باعا نەگە بۇلايشا كۇرت تومەندەپ كەتتى دەسەم، كەزەكتى رەيد ءجۇرىپ جاتىر ەكەن...

قۇرمەتتى وبلىس جانە قالا باسشىلارى! 

سىزدەردى نە قىزمەتكەرلەرىڭىز، نە ساۋداگەرلەر ىلعي وسىلاي «الدايدى». الدە، ب ا ق ءۇشىن جاسالعان، «كوزبوياۋشىلىق» پا؟ نەدە بولسا، ۇكىمەت باسشىسىنا ءبىر بوياما ەسەپ كەتتى-اۋ! بۇلاي دەيتىنىم، وسىدان ءبىرلى جارىم اي بۇرىن تۋرا وسىنداي كورىنىستىڭ كۋاسى بولعان ەم. «بۇل نەعىلعان كوممۋنيزم» دەپ كەتكەنمىن. ول كەزدە قىزاناقتىڭ كەلىسى ءبىر اپتاداي 100-150 تەڭگەگە دەيىن تومەندەگەن ەدى. 

باعانى قولدان كوتەرگەن ساۋداگەرلەرگە «ايىپپۇل» سالۋ كەرەك. اسىرەسە، جەكەمەنشىك دۇكەن ەگەلەرى ويىنا كەلگەن باعانى قويىپ ءجۇر. جۇرت وسى كۇندە «پەنسيانىڭ» كوبەيگەنىنە كەييتىن بولعان. سەبەبى، ينفلياسيا ءبارىبىر قالتانى قاعادى. جالپى، بەنزيننىڭ تاۋىق پەن سيىردىڭ «بۇتتارىنا» نە قاتىسى بار ەكەن؟ ءقازىر ءبىر «قولدىڭ» ءسۇتى – ءبىر جارىم ليتر بەنزيننەن دە قىمبات. 

حالىقتى سالىققا «قارىق» قىلعىش ۇكىمەت، ودان دا اسپانداعان ازىق باعاسىن اۋىزدىقتاۋعا قۇلىقتى بولسايشى. 

پرەزيدەنت ايماقتارعا ىس-ساپارمەن باراتىن كەزدە، اكىمدىكتەگىلەر بەلگىلەنگەن باعىتتىڭ ءبارىن رەتكە كەلتىرىپ قويادى. بۇگىندە جولدارىنىڭ توز-توزى شىققان كوشەلەردىڭ تۇرعىندارى: «ەلباسى ءبىزدىڭ كوشەمەن دە ءجۇرىپ وتسە عوي» - دەپ ازىلدەسەتىن بولعان. سول ايتپاقشى، وڭتۇستىكتىڭ اكىمى مەن شىم-شاھاردىڭ باسشىسى ءجيى-جيى بازارلاتىپ تۇرسا ەكەن دەگەن تىلەك قوي، بىزدىكى.