سوڭعى كۇندەرى  WhatsApp مەسسەندجەرى ارقىلى قوستانايلىق 2 جاسار ءبۇلدىرشىن يوگۋرت جەپ ۋلانىپ قازا تاپقانى تۋرالى اقپارات تاراتىلىپ جاتىر. بۇل تۋرالى kstnews.kz سايتى حابارلايدى. اقپاراتتى تاراتىپ جاتقان اتى ءجونى بەلگىسىز قوستاناي تۇرعىنى. تاراتىلىپ جاتقان اقپارات مازمۇنىنا سۇيەنسەك، كورشىنىڭ كىشكەنە قىزى سۋپەرماركەتتەن ساتىپ الىنعان يوگۋرتتى جەپ ۋلانعان.

WhatsApp ارقىلى تاراتىلعان اۋديوجازبادا:

«بۇل وقيعا ءبىر اپتا بۇرىن ورىن العان. قىزدى استاناعا الىپ كەتكەن بولاتىن، ەندى بۇگىن ونىڭ ءمايىتىن الىپ كەلدى» دەلىنگەن. ودان كەيىن ايەلدىڭ جىلاعان داۋسى ەستىلەدى.

قازا تاپقان قىزدىڭ اناسى ناقتى نە ساتىپ سالعانىن ۇمىتىپ قالعان. چەكتى جوعالتىپ العان. قولىندا ەكىنشى بالاسى قالعان ايەل ءقازىر جانازامەن اينالىسىپ جاتقان كورىنەدى.

جازبا سوڭىندا ايەلدىڭ جىلاپ، كوپشىلىككە اباي بولۋىن ەسكەرتەدى.

نازەركە مۇسا