الماتى پوليسياسى سەگىز جاستاعى قىزدى قاعىپ كەتكەن جۇرگىزۋشىنى ۇستادى، - دەپ حابارلايدى Tengrinnews.kz قالالىق ءىىد باسپا ءسوز قىزمەتىنە سىلتەمە جاساپ. ول العاباس اۋىلىنىڭ 44 جاستاعى تۇرعىنى ەكەن.

"كەشەندى جەدەل-تەرگەۋ شارالارى بارىسىندا العاباس اۋىلىنىڭ تۇرعىنى 1973 جىلعى ازامات ۇستالدى. ول ءوزىنىڭ "مازدا-626"  ماركالى كولىگىن كەلەسى كوكساي ەلدى مەكەنىندەگى تۋىستارىنىڭ ۇيىنە جاسىرىپ قويعان. اۆوتموبيل سوتقا دەيىنگى تەرگەۋ ماتەريالدارىنا زاتتاي دالەل رەتىندە تاركىلەندى. انىقتاۋ بولىمشەسى وسى ءىس بويىنشا ساراپتامالاردى تاعايىنداعان"، - دەدى پوليسياداعىلار.

جۇرگىزۋشى ءوز كىناسىن مويىنداعان. "ول قورقىنىشتان وقيعا ورنىنان قاشىپ كەتكەنىن مويىندادى. بۇرىندارى ەر ادامنىڭ قىلمىستىق جاۋاپكەرشىلىككە تارتىلعانى انىقتالدى"، - دەيدى الماتى ءىىد جەرگىلىكتى پوليسيا قىزمەتىنىڭ ىزدەۋ ءبولىمىنىڭ باسشىسى پوليسيا پودپولكوۆنيگى ەرىك ناسىربەكوۆ.

الماتى ءىىد-نىڭ انىقتاۋ باسقارماسىنىڭ باسشىسى پوليسيا پودپولكوۆنيگى رۋستام ابدراحمانوۆ جۇرگىزۋشى ەكى باپ بويىنشا قىلمىستىق جاۋاپكەرشىلىككە تارتىلدى: ق ر قىلمىستىق كودەكسىنىڭ 345-بابىنىڭ 3-بولىگى ("كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى") جانە 347-بابىنىڭ ("جول-كولiك وقيعاسى بولعان جەردەن كەتىپ قالۋ"). تەرگەۋ شارالارى جالعاسادى.