جەرگە كولەمى جاعىنان دا، ءتۇزىلىسى جاعىنان دا ۇقساس  7 پلانەتا تابىلدى. ءۆۆس-دىڭ ورىس قىزمەتى جازۋىنشا ولاردىڭ ۇشەۋىندە سۋدىڭ سۇيىق كۇيىندە ساقتالعان دەپ حابارلايدى Qamshykz. بۇل وسى پلانەتالاردا ءومىر بار ەكەنىن ايعاقتايدى.
NASA عالىمدارى شۇعىل شاقىرىلعان باسپاسوز-كونفەرەنسياسىندا  جوعارىداعىداي مالىمدەمە جاسادى.
لەج ۋنيۆەرسيتەتى  تەحنولوگيا مەن استروفيزيكالىق زەرتتەۋلەر ينستيتۋتىنداعى ميكاەل جييون باستاعان كوماندا مۇشەلەرى وسىلايشا  الەمدە بىزدەن باسقا دا تىرشىلىك يەلەرى بار دەگەن بايلامعا توقتاپ وتىر.
جەتى پلانەتا دا بىر-بىرىنە وتە جاقىن ورنالاسقان. جەر شارىنىڭ ادامدارى كۇن مەن ايدى قالاي كورسە، جەتى پلانەتا بىر-بىرىنە سولاي كورىنىپ تۇرادى.
استرونوم ميشەل گييوننىڭ ايتۋىنشا، بۇل ەكزوپلانەتالار «سپيتسەر» اتتى تەلەسكوپ ارقىلى تابىلعان.
ءۆۆس-دىڭ عىلىم سالاسى بويىنشا شولۋشىسى ديەۆيد شۋكماننىڭ ايتۋىنشا، ناسا وسى كۇنگە دەيىن 3449 عالامشار انىقتاعان. ونىڭ ايتۋىنشا، ماسەلە ولاردىڭ سانىندا ەمەس، كوپشىلىگىنىڭ جەرگە ۇقساستىعىندا ەكەن. ال جوعارىدا اتالعان TRAPPIST-1  جۇلدىزى — كىشكەنتاي ءارى جارىق ەمەس. ياعني، ونى تەلەسكوپپەن كورۋ قيىنعا سوعادى. ساراپشىنىڭ ايتۋىنشا، ناسا-نىڭ جاڭالىعى ءالى باسى عانا. سەبەبى ەندى عالىمدار وندا وتتەگى پەن مەتان سەكىلدى گازداردىڭ بار-جوعىن انىقتاۋى كەرەك.

ال، پلانەتالار بىزدەن 39-40 جارىق جىلىنا تەڭ قاشىقتىقتان تابىلدى. ال، ولارعا ۇشاقپەن 40 ملن. جىلدا جەتۋگە بولادى ەكەن. عالىمدار ءبىراق پلانەتالارداعى اتموسفەرالىق جۇيەنى زەرتتەۋگە مۇمكىنشىلىك بار دەيدى. ول ءۇشىن باس-اياعى 5 جىل ىشىندە قاجەتتى تەحنولوگيالاردى ويلاستىرىپ تابامىز، دەپ سەندىرەدى.