باياناۋىلدا يگى جاقسىنىڭ ءبىرازى تۋىپ-وسكەن. ساتپايەۆ، مارعۇلان، ايمانوۆ، ايماۋىتوۆ، تورايعىروۆ دەگەندەي ءتىزىلىپ كەتە بەرەدى. ءبىز تورايعىر اۋىلىنا ارنايىلاپ سوعىپ، وسىندا وسكەن سۇلتانماحمۇت تورايعىروۆتىڭ (اقىننىڭ تۋعان جەرى – سولتۇستىك قازاقستان وبلىسى) مۋزەيىنە بارعان ەدىك. سۇلتانماحمۇتتىڭ ءجۇز جىلدىق مەرەيتويىنىڭ قارساڭىندا 1993 جىلى جاڭا عيمارات سالىپ بەرىپتى. الايدا، شامالاپ بەس ءجۇز قارالى اۋىل عوي، ءقايبىر جاعداي جاساسىن - مۋزەيدىڭ ءىشى سۋىق، ەكسكۋرسوۆود اپاي پالتوسىن شەشپەي ءجۇر. اقىن وكپە اۋرۋىنان ازاپ شەگىپ، نە دۇرىس وقي الماي، نە ءجوندى جۇمىس ىستەي الماي، اقىرى 27 جاسىندا قايتىس بولعان سوڭ، كورسەتەر ەكسپونات تا قالماپتى.

ءبىراق، وزىمە ءبىر العانىم – مىناۋ ەكى فوتو بولدى. العاشقى فوتودا – ماليكە يمانبايەۆا، باياناۋىلدىق قازاق ايەلدەرىنىڭ اراسىنان شىققان العاشقى مۇعاليما. سۇلتانماحمۇتتىڭ قالىڭدىعى بولعان ەكەن. ءتىپتى قالىڭمالىن تولەپ، انە-مىنە نەكە قيامىز دەپ وتىرعاندا، اقىن قايتىس بولىپ كەتەدى. سودان ماليكە ارى قاراي وقۋ ىزدەنەمىن دەپ پە، اۋىلدان كەتىپ قالادى، باسقا بىرەۋگە تۇرمىسقا شىعادى، 1930-شى جىلدارداعى اشارشىلىق كەزىندە قايتىس بولىپتى. 

ال قالىڭ مال تولەنىپ قويعان، ونى كەرى قايتارۋعا مۇمكىندىك بولماعان سوڭ، ارى قاراي جاعداي بىلاي بولعان. ەكىنشى فوتودا - ماليكەنىڭ ءسىڭلىسى ناعيما. سول ناعيمانى 12 جاسىندا سۇلتانماحمۇتتىڭ ءىنىسى الدە اعاسى باشەنگە (شىن اتى بايقوڭىر بولعان-اۋ) تۇرمىسقا بەرەدى. وسىلايشا، اقىننىڭ كەلىنى بولعان ناعيپا اپامىز بەرتىنگە دەيىن ءومىر ءسۇرىپتى.

وركەن كەنجەبەكتىڭ facebook پاراقشاسىنان الىندى