Qamshy.kz پورتالى ديماش قۇدايبەرگەنوۆ تۋراسىندا الەم  اۋزىنان  ايتىلعان تاڭقالىستى، سۇيسىنۋشىلىك پىكىرلەردى نازارلارىڭىزعا ۇسىنىپ وتىر. الپامىس شاريموۆ ەسىمدى پروديۋسسەر ءوزىنىڭ ينستا پاراقشاسىندا ديماش تۋرالى الەمنىڭ تانىمال تۇلعالارى ايتقان پىكىرلەرىن جاريالاعان بولاتىن.

Jonathan Erwin Malnoury (فرانسيا): «تاماشا ءمىنسىز داۋىس. ايتىلۋداعى قاتەلىكتەردىڭ بارلىعى تۇككە تۇرعىسىز بولىپ قالدى. كەۋدە داۋسى مەن رەگيستردى قولدانۋى كەرەمەت!»

Ingrid Masseaux (فرانسيا): «ادام نانعىسىز.. ءوزىمدى ۇشىپ جۇرگەندەي سەزىنىپ تۇرمىن. الگى ءان ءالى ويىمنان كەتەر ەمەس».

Robin Williamson (تەحاس، سشا): «حمم.. كىم ەكەنىن بىلمەيدى ەكەنمىن، شوۋدى دا بۇرىن سوڭدى كورمەپپىن. ءبىراق.. مىنا جىگىتتىڭ دياپوزونى مىقتى ەكەن! وسى دياپوزوندى قالاي قولداناتىنىن ايتساڭىزشى!»

Isabelle Chauffeton Saavedra (فرانسيا): «مەن مۇنى 4 رەت كوردىم. دەنيەل بالاۆون جۇماقتا شىعار... مىنا جىگىتتىڭ ءوزىنىڭ ءانىن تاماشا ورىنداپ شىققانىنا ماقتانىپ جاتقان شىعار. اراسىندا بىر-ەكى ءسوزدى دۇرىس ايتپاعانى كىمدى قىزىقتىرىپ جاتىر؟ قاپ، مىنا داۋىس پەن حاريزمانى-اي!»
 

Carmen Fernandez Ansuategui (يسپانيا): «داۋىس جۇرەكتەردى جاقىنداتاتىن ەڭ نەگىزگى قۇرال. دياپوزون كەڭدىگىنە سءوز جوق».

Christin Orbst (گەرمانيا):
«ەكستراوردينارلى. ەگەر بىرەۋ-مىرەۋ بۇل ءانشىنى تانىپ، اتىن ءبىلىپ جاتسا ماعان  حابارىن بەرسىنشى».

Ian Stewart (ۆەليكوبريتانيا):
«ادام سەنگىسىز! ءۇش رەت تىڭدادىم،كوردىم. ادام بالاسى مۇنداي داۋىستى يەلەنۋى مۇمكىن بە؟ دياپازونىنىڭ مۇمكىندىگى شەكسىز. تالانتى زور».

Marcia Nikaydo (برازيليا):
«بۇل جارىس ەمەس دەگەن ۇمىتتەمىن.  باسقا قاتىسۋشىلارعا وبال عوي... ءبىر ءانشىنىڭ ىشىندە ءۇش ءتۇرلى داۋىستى ادام جاسىرىنعانداي».

Tuula Hastbacka (فيندليانديا):
«تاماشا رەگيستر، كەڭ، تازا، تونالدىلىگى، ينتەرپرەتاسياسى كەرەمەت. تاماشا ءانشى».
Monica Reberg (نورۆەگيا):
«مەن مىنا ءاندى 50 رەت تىڭدادىم عوي دەيمىن. ءار تىڭداعان سايىن دەنەم تۇرشىگەدى». 

نازەركە مۇسا