ماسكەۋدە اقپاننىڭ 23-نەن 24-نە قاراعان ءتۇنى «گازەل» اۆتوكولىگىنەن قازاقستاننىڭ ەكى ازاماتىنىڭ ءولى دەنەسى تابىلدى.
قازاقستاندىقتار ماسكەۋ قالاسىنداعى دميتروۆسك اۋدانىنىڭ قويماسىنان تاۋار الۋ ءۇشىن كەلگەن ەكەن، دەپ حابارلايدى رەن تۆ تەلەارناسىنىڭ جاڭالىقتار قىزمەتى.
الايدا، تاۋار الىپ كەتۋگە كەلىسكەن ۋاقىتتا كەلمەگەندەرى ءۇشىن، ولاردى ىزدەستىرۋ جۇمىستارىنا كىرىسىپ كەتكەن. تىلشىلەر ازاماتتاردىڭ ۋلى گازعا تۇنشىعىپ قالعاندىقتان، كوز جۇمعاندارىن ايتۋدا.
قازاقستان ازاماتتارى 34 جاسار ۆيكتور م. مەن 20 جاسار الەكسەي ب.نى پوليسيا قىزمەتكەرلەرى «دەلوۆىە لينيي» لوگيستيكالىق كومپانياسىنىڭ اۆتوتۇراعىنان تاپقان.
قۇقىق قورعاۋ ورگاندارىنىڭ قىزمەتكەرلەرى ايتىلعان فاكتقا بايلانىستى تەرگەۋ جۇمىستارىن باستاپ كەتتى.
