الماتى ق. پروكۋراتۋراسى جانە ءىىم قىلمىستىق-اتقارۋ جۇيەسى كوميتەتىمەن بىرلەسىپ، ادۆوكات ج.بالعابايەۆانىڭ تەرگەۋ-قاماۋىنداعى جانبولات مامايعا قاتەر ءتوندىرۋى جانە قىسىم كورسەتۋى تۋرالى باق-تا جاريالانعان شاعىمىنا قاتىستى تەرگەۋ جۇرگىزىلدى. بۇل تۋرالى ق ر ءىىم قىلمىستىق-اتقارۋ جۇيەسىنىڭ باسپا ءسوز قىزمەتى حابارلادى.

    "جانبولات مامايدان جاۋاپ الۋ بارىسىندا ول اۋىزشا جانە جازباشا تۇردە تەرگەۋ يزولياتورىنىڭ اكىمشىلىگىنە جانە كامەرادا ۇستاۋدا وتىرعان وزگە سوتتالعاندارعا ەشقانداي نارازىلىعى جوق ەكەنىن جەتكىزدى.

    تەرگەۋ يزولياتورىنداعى مەديسينا ءبولىمىنىڭ مامانى دا ج.مامايدىڭ دەنەسىنە زاقىم كەلمەگەنىن، دەنە جاراقاتىنىڭ جوقتىعىن انىقتادى. اتالعان تەرگەۋ-قاماۋىنداعى مەديسينالىق ساراپتامادان وتۋدەن باس تارتقان.

    وسىلايشا ج.مامايدىڭ ومىرىنە ءقاۋىپ ءتوندى جانە وعان قىسىم كورسەتىلدى دەگەن فاكتىسى راستالعان جوق.  

    اتالعان وقيعانىڭ اينالاسىنداعى داۋ-دامايدى ۋشىقتارماۋ ءۇشىن ماماي تەرگەۋ يزولياتورىنداعى جالپى كامەراعا اۋىستىرىلدى.  

    سونىمەن قاتار، كەيبىر ادامدار قاۋەسەتتەر مەن جورامالداردى نەگىزگە الىپ، «ج.مامايدىڭ ومىرىنە ءقاۋىپ ءتوندى جانە وعان قىسىم كورسەتىلدى» دەگەن جالعان اقپاراتتى شىعارىپ وتىر.  

    وسىعان بايلانىستى ب ا ق وكىلدەرىنەن وسىعان ۇقساس اقپاراتتى باسۋدان بۇرىن نەمەسە سىلتەمە جاساماي تۇرىپ رەسمي تۇسىندىرمە مەن راستاۋدى الۋ ءۇشىن ءىىم قاج كوميتەتىنە جۇگىنۋدى سۇرايدى.

    سونداي-اق قازاقستان رەسپۋبليكاسى قىلمىستىق كودەكسىنىڭ 242-1-بابى 3-تارماعىنا سايكەس جالعان مالىمەت تاراتۋ بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءۇش جىلعا دەيىنگى مەرزىمگە ايىرا وتىرىپ، بەس ءجۇز ايلىق ەسەپتiك كورسەتكiشكە دەيiنگi مولشەردە ايىپپۇل سالۋ تۇرىندەگى جازاعا الىپ كەلەتىنىن ەسكەرتەمىز"، - دەلىنگەن حابارلامادا.

ايتا كەتەر بولساق، "تريبۋنا. ساياسي قالام" گازەتىنىڭ باس رەداكتورى جانبولات ماماي 10 اقپاندا قاماۋعا الىندى. وعان قۇزىرلى ورگاندار قۋعىنداعى ەكس بانكير ابىلازوۆپەن بايلانىسى بار دەگەن ايىپ تاقتى. ال، قوعامداعى الەۋمەتتىك ماسەلەلەردە، ساياسي ۇدەرىستە بەلسەنە بوي كورسەتىپ جۇرگەن جانبولات ماماي اتالعان ايىپپەن كەلىسپەيدى. سونداي-اق ءبىر توپ ۇلتشىل ازاماتتار، قوعام بەلسەندىلەرى ونىڭ نەگىزسىز ايىپتاۋعا ۇشىراپ وتىرعانىنا سەنىمدى.