بەلگىلى يسلامتانۋشى قايرات جولدىباي ۇلى Facebook-تەگى پاراقشاسىندا ۇلتتىق پانتەونعا قاتىستى پىكىرىن ءبىلدىردى. ءدىنتانۋشى پانتەونعا يسلام جانە حريستيان ءدىنىنىڭ وكىلدەرىن قاتار جەرلەنىپ جاتقانىنا نارازىلىعىن ءبىلدىردى. بۇگىندە اتالعان ماسەلەگە قاتىستى الەۋمەتتىك جەلى قولدانۋشىلارىنىڭ پىكىرى ەكىگە ءبولىندى.

جالپى ۇلتتىق پانتەوندى قۇرۋدىڭ ماقساتى – مەملەكەتكە، عىلىمعا، مادەنيەتكە ەرەكشە ۇلەس قوسقان تۇلعالاردىڭ ەسىمىن ماڭگىلىك ەستە قالدىرۋ.

ءدىن ماماندارى مەن اقىلداسا وتىرى ءدىن ىستەرى كوميتەتى  مايىتتەردى دىنىنە بايلانىستى ءبولىپ جەرلەۋ ماسەلەسى قاراستىرىلعان. وندا مۇسىلماندار مەن حريستياندار بولمەسىنىڭ اراسىن ادام جۇرەتىندەي تاس جولمەن ءبولىپ، اعاشتار وتىرعىزۋ جوسپارلانعان. پانتەونعا بولىنگەن جەردىڭ ۇلكەندىگىنە بايلانىستى، جوسپارعا ساي جەرلەردى ءبولۋ مەن ولاردىڭ اراسىنا قورشاۋ قويۋ جۇمىستارى ءالى تولىق بىتپەدى.

قازىرگى تاڭدا اتالعان ماسەلە بويىنشا ناقتى جۇمىستار جۇرگىزىلۋدە. سوندىقتان  حالىق اراسىندا جانساق پىكىر مەن تەرىس كوزقاراس قالىپتاستىرۋدىڭ قاجەتى جوق دەپ ويلايمىن.

تانا باي ۇلى، تەولوگ