«فەيسبۋك» جەلىسىندە 30 جىل بۇرىن يسلام ءدىنىن قابىلداعان يرلانديالىق ابدۋل-ماليكە دجاماالە حانيفە ءوزى تۇسىرگەن ۆيدەو ارقىلى كۇللى انگلياعا تانىمال بولدى. 1986 جىلعا دەيىن بۇل ازاماتتىڭ ءومىرى قارا تۇنەك ەدى. بۇگىنگى كۇنى ءوزى قابىلداعان يسلام ءدىنىنىڭ شاريعاتتارى جىگىتتىڭ ءومىر سالتى ءۇشىن مۇلدەم قاراما-قايشى قۇبىلىس بولعان.

جاس كەزىندە ابدۋل-ماليك پانك-روكپەن اينالىسقان ەكەن. بيلىككە قارسى تالاي بۇلىك شىعارعان، روك-مۋزىكادان باسقاسىمەن اۋەستەنبەگەن. الايدا، بۇل جول بريتاندىق ازاماتقا بەرەكە اكەلمەدى، ءومىرى بۇرىنعىدان بۇلىڭعىرلانا تۇسەدى.

ماعىناسىز ومىردەن ابدەن قاجىعان جاس جىگىت ومىرگە دەگەن كوزقاراسىن تۇبەگەيلى وزگەرتۋدى كوزدەيدى، فيلوسوفتارمەن تانىسادى، ءدىني كىتاپتاردى وقۋعا كوشەدى. يسلام جايىنداعى ادەبي كىتاپتاردى وقىعان سايىن، كوزى اشىلادى، ويى تازارادى، نيەتى وزگەرەدى. جالپى، ءومىرىن اللا سالعان جولمەن قايتا باستايدى.

ابدۋل-ماليكتىڭ ءوزى ايتپاقشى، بۇرىن ول ءوزىن «ءىبىلىس» بولعانمىن دەپ ساناعان، ءبىراق سەنىمى وزگەرىپ، ناعىز مۇسىلمانعا اينالدى. بۇرىنعى ءومىرىنىڭ قانداي بولعانىن كورسەتەتىن قولىنداعى تاتۋى، قۇلاعىنداعى سىرعا ورىندارىنان قالعان تەسىكتەر ساقتالعانىمەن، بۇگىنگى كۇنى ساقال ءوسىرىپ، مۇسىلمانعا ءتان كيىم ۇلگىسىمەن جۇرەدى.