سىزدەر مەنى كىم دەپ ويلاپ جۇرسىزدەر؟ ءجاي عانا ساتيريك دەپ پە؟ بىلتىردان بەرى رەسەي پرەزيدەنتى ۆلاديمير پۋتينمەن ىشەك-قارىنداي ارالالاسىپ ءجۇرمىن. ايەلىمەن اجىراسقاندا دا «قۇتتى بولسىن!» ايتىپ، بارىپ قايتقانمىن. كرەملگە... كەشەگى «سەليگەر–2014» جاستار فورۋمىندا ءسوي¬لە-گەن سوزىنە جىنىم كەلىپ، «براتيشكاعا» سالەم حات جازعان ەدىم، سونى وقىپ بەرەيىن: ...التىننان ارزان، ايۋدان تىرناقتى، تىمپيعان «براتيشكام» مەنىڭ ۆلاديميرجان! كاك دەلا؟ ۋكرايناعا شابۋىلدى باستاپ كەتىپسىڭ عوي، ە؟ "قوي" دەپ ەدىم عوي؟ ۇيالمايسىڭ با؟ بەيبىت حالىقتىڭ قانى توگىلدى عوي... ۋكراينا پرەزيدەنتى پوروشەنكو ەكەۋىڭ شىمكەنتكە، ءبىزدىڭ ۇيگە كەلىپ كەتسەڭشى؟ ءبىر قوي سويىپ، ارالارىڭا ءبىر شيشا اراق قويىپ، ەكەۋىڭدى جاراستىرىپ جىبەرەيىن! امەريكانىڭ ايتاقتارىنا بولا ابىرويلارىڭنان ايىرىلىپ نە بولدى، سونشا؟ ۆلاديميرجان، وتكەندە ءبىر قاپ قۇرت سالىپ جىبەرگەنمىن. سورىپ ءجۇرسىڭ بە؟ ساياساتتا شارشاساڭ، قۇرت سورعان جاقسى. كەلىپ كەتسەڭشى... وتكەندەگىدەي مونشاعا بارايىق. ارقامدى ەزىپ بەرەسىڭ... ايتپاقشى، بالالى بولدىم، قۇتتى بولسىن ايتىپ كەلمەدىڭ عوي؟ قولىڭ تيمەدى مە، نە؟ انا جيرينوۆسكيي جىندىڭا ايتشى! «قۋا» بەرمەسىن! «ۋكراينانى ءبىر جاقتى ەتىپ بولعان سوڭ، كەلەسى كەزەك– قازاقستاندىكى» دەپ وتتاپ وتىر عوي، تۇمسىعىنا مەن ءۇشىن ءبىر پەرىپ جىبەرشى! مەنى «اعا» دەپ سىيلايتىنىڭدى بىلەمىن. ءبىراق «سەليگەر–2014» جاستار فورۋمىندا سويلەگەن ءسوزىڭ ۇنامادى ماعان. «قازاق جەرىندە بۇرىن مەملەكەت بولماعان» دەدىڭ بە؟ ۇياتسىز ەكەنسىڭ عوي ءا؟ ءوي، ماعان ىزباندامادىڭ با؟ سۇرامادىڭ با؟ قازاق تاريحىن ايتىپ بەرەتىن ەدىم عوي! بىلمەسەڭ، نەڭ بار ايتىپ؟ «كەڭەس وكىمەتى بولماعاندا، قازاقتار كوشىپ-قونىپ جۇرە بەرەر ەدى» دەگىڭ كەلدى عوي ءا؟ ەل بولماساق، ابىلايحان قايدا قالدى؟ كەنەسارى حان شە؟ كەرەي مەن جانىبەكتەن باستالاتىن حانداردى قايدا قويامىز؟ ءابىلحايىر، ءاز تاۋكەلەر شە؟ ۆلاديمير، شوۆينيست بولماساڭشى؟ مەن سەنى جاقسى كورەمىن، ءبىراق، وكپەلەدىم ساعان... كەشىكپەي، پۋتيننەن حات كەلدى. وقىپ بەرەيىن ءا؟
پريۆەت، ۋۆاجاەمىي مۋحتار! حاتىڭدى الىپ، قۋانىپ، كەيىنگى ايەلىمە وقىپ بەردىم. «وي، ۋجاس، سەن نە دەگەنسىڭ؟ نەمەدلەننو كەشيريم سۋرا...» دەپ جاتىر. وزىڭە بارىپ قايتۋعا، ۋكراينادان قول تيمەي كەتتى. سوعىس بىتكەن سوڭ ەكەۋمىز سەنىڭ ناعاشى اۋلىڭا–اقتاسقا بارىپ قايتايىق تا؟ قوشقاراتا اۋليەگە بارىپ ءتاۋ ەتىپ قايتپاسام... جولىم بولماي كەتتى تەگى... ۋكرايناعا بايلانىستى ەۋروپالىق سانكسيالار قان قىسىمىمدى كوتەرىپ جىبەردى. سەندەردە قان قىسىمىن ەمدەيتىن تاۋىپتەر كوپ دەيدى عوي. بارىپ قايتساق جارار ەدى... «قازاقستاندا بۇرىن مەمەلەكەت بولماعان» دەپ اشەيىن ايتىپ قويىپپىن. كەشىر، مۋحا... بۇكىل قازاق حالقىنان كەشىرىم سۇرايمىن. اشەيىن، ويناپ ايتا سالىپ ەدىم... پوكا، براتان...
مۇحتار شەرىم. (Facebook-تەگى پاراقشاسىنان الدىندى.)
