«قامشى» پورتالىندا قاڭتاردىڭ 22ء-سى كۇنى «شىعىس قازاقستان وبلىسى رەسەي ازاماتىنىڭ قولاستىندا ما؟» اتتى ماقالا جاريالانعان بولاتىن.
وندا، شىعىس قازاقستان وبلىستىق ءماسليحاتىنىڭ حاتشىسى گولوۆاتيۋك ۆلاديمير ءميحايلوۆيچدىڭ رەسەي ازاماتتىعى بولۋى مۇمكىن ەكەنى تۋرالى جازىلعان بولاتىن. رەداكسياعا حات جولداۋشى حاتىندا «1988 جىلدىڭ 12 تامىزىندا گولوۆاتيۋك ۆلاديمير ميحايلوۆيچ ەسىمدى ازامات رەسەي فەدەراسياسىنىڭ «ازاماتتىق تۋرالى» زاڭىنىڭ 3 بابىنىڭ نەگىزىندە استاناداعى رەسەي ەلشىلىگىنىڭ كونسۋلدىعىندا رەسەي ازاماتتىعىن العانى» تۋرالى جازعان بولاتىن. اتالعان ماقالا 20 مىڭنان استام رەت وقىلىپ، الەۋمەتتىك جەلىدە قىزۋ تالقىلانعان ەدى.

بۇگىن شق وبلىستىق ءماسليحاتى حاتشىسىنىڭ قوس ازاماتتىعى جايىندا قاۋەسەت راستالماعانى تۋرالى ماقالا شىقتى.

پوليسەي قىزمەتكەرلەرى اقپاراتتىڭ راس-وتىرىگىن انىقتاۋ ءۇشىن 2 اي ۋاقىتىن جۇمساعان.

«تەكسەرۋ ناتيجەسىندە شق وبلىسى ءماسليحاتىنىڭ حاتشىسى  ۆلاديمير گولوۆاتيۋكتىڭ قوس ازاماتتىعى جايىندا اقپارات راستالماي شىقتى»، دەپ مالىمدەگەن شقو ءىىد باسپا ءسوز قىزمەتىنىڭ جەتەكشىسى باقىتجان تورعايەۆ.

ەلباسى ىلعي دا ايتاتىن مەملەكەتتىك قاۋىپسىزدىك ماسەلەسىندە باق-تىڭ الار ورنى دا ەرەكشە. سوندىقتان دا «قامشى» پورتالى پوشتاعا كەلگەن ماسەلەگە بەيجاي قاراي الماي وقىرمانعا ۇسىنعان ەدى. «اۆتورلار پىكىرى مەن رەداكسيا كوزقاراسىنىڭ سايكەس كەلە بەرمەۋى مۇمكىن» ەكەنىن ەسكە سالا وتىرىپ، وقىرمانداردان راستالماعان اقپارات ءۇشىن كەشىرىم سۇرايمىز!