وڭتۇستىك قازاقستان وبلىسىندا ەكى ءماسليحات دەپۋتاتتارىنىڭ اراسىندا ورىن العان جانجال بويىنشا قىلمىستىق ءىس قوزعالدى. بۇل تۋرالى «قامشى»  پورتالى «قازاقپارات»-قا سىلتەمە جاساپ حابارلايدى.

تۇلكىباس اۋدانىنىڭ دەپۋتاتتارىنا بايلانىستى «دەنەگە زاقىم كەلتىرۋ» قىلمىستىق كودەكسىنىڭ  107 بابى  بويىنشا تەرگەۋ جۇرگىزىلۋدە.

17-18 ناۋرىز كۇندەرى تۇلكىباس ءاىىب-نا ەكى ازامات تاراپىنان ارىز تۇسكەن. اتالعان اۋداننىڭ ەكى دەپۋتاتى ۋتەپباي ماتكاريموۆ پەن  ايتبەك مەڭلىبەكوۆ ەكەۋارا جانجال، توبەلەس ناتيجەسىندە  ءبىرى جۇرەك تالماسى، ەكىنشىسى مي شايقالۋ فاكتىسى بويىنشا اۋرۋحاناعا تۇسكەن.

ۋتەپباي ماتكاريموۆ بۇرىنىراق اۋدان اكىمىنىڭ ورىنباسارى قىزمەتىندە بولسا،  ايتبەك مەڭلىبەكوۆ اقسۋ-جاباعلى مەملەكەتتىك قورىعىنىڭ ديرەكتورى قىزمەتىندە.

قۇقىق قورعاۋ ورگاندارى ەكى دەپۋتات اراسىنداعى جانجالدىڭ سەبەپتەرىن انىقتاۋدا.