ماقالانىڭ ورىسشاسىن مىنا جەردەن قاراڭىز

سولتۇستىك قازاقستان وبلىسى ناۋرىز مەرەكەسىن تويلاۋدى ماعجان جۇمابايەۆ كوشەسىنەن باستادى دەپ حابارلايدى Qamshy.kz.

الاش ارىسى ماعجان جۇمابايەۆ اتىنا بەرىلگەن كوشەدە «قازاعىمنىڭ كيىز ءۇيى» اتتى كيىز ءۇي قالاشىعى بوي كوتەرگەن. سونداي-اق، «ناۋرىز دوستىق پەن بىرلىكتىڭ بەرەكەسى» اتتى مەرەكەلىك تەاترلاندىرىلعان كونسەرت ءوتىپ جاتىر.

قۋانىش مەرەكەسىمەن حالىقتى قۇتتىقتاۋعا سولتۇستىك قازاقستان وبلىسى اكىمى قۇمار اقساقالوۆتىڭ ءوزى ارنايى كەلگەن. ول حالىق الدىندا ناۋرىز مەرەكەسىنىڭ رۋحاني قۇندىلىعى ميلليونداعان ادامدارى بىرىكتىرىپ، بەرەكەسىن ارتتىراتىنىن باسا ايتقان.

«بۇل مەرەكە ەتنيكالىق جانە ءدىني سەنىم ەرەكشەلىكتەرىنە قاراماستان بارشا قازاقستاندىقتاردىڭ مەرەكەسى» دەگەن قۇمار ىرگەباي ۇلى وبلىس تۇرعىندارىنا زور دەنساۋلىق، باقىت پەن بەرەكە تىلەگەن.

ال، كونستيتۋسيا كوشەسىندە قازاقستان حالىقتارى اسسامبلەياسى وكىلدەرى 15 مەترلىك دوستىق داستارحانىن جايعان.

ودان بولەك قۇمار اقساقالوۆتىڭ باستاماسىمەن قىزىلجاردىڭ 30-دان استام كوپقاباتتى ءۇيىنىڭ اۋلاسىندا ناۋرىز داستارحانى جايلىپ،  حالىققا ناۋرىز كوجە بەرىلگەن. مىسالى بولاتبايەۆ 4 ءۇيىنىڭ اۋلاسىندا 200 ادامعا ناۋرىز كوجە بەرىلگەن. قالا مەن وبلىس تۇرعىندارى اسقاق مەرەكەلىك كوڭىل-كۇيگە يە بولىپ، مەرەكەنى تويلاپ ءوزارا تىلەك ايتىسىپ جاتىر.