يۆانوۆسك وبلىسى، شۋيا اۋدانىندا اۋىر جاراقاتتادى دەگەن ايىپپەن كۇدىكتى قولعا ءتۇستى، دەپ حابارلايدى chastnik.ru، مالىمەتتىڭ قازاقشا نۇسقاسىن «قامشى» ورتالى وقىرمان نازارىنا ۇسىنادى.

بۇل وقيعا 20 ناۋرىز كۇنى كەشكى ۋاقىتتا تەمىر جول بەكەتىن جاقىن ورنالاسقان ۇيلەردىڭ بىرىندە بولعان. 55 جاستاعى ايەل ىشىنەن الىنعان اۋىر جاراقاتتىڭ سالدارىنان اۋرۋحاناعا كەلىپ تۇسكەن. مەدبيكەلەر بولعان ءىستى پوليسيا قىزمەتكەرلەرىنە جەتكىزگەن.

شۇعىل تەرگەۋ توبى وقيعا بولعان جەرگە كەلىپ، ماس كۇيىندە وتىرعان ەركەكتى جانە كۋاگەرلەردى تەرگەۋگە العان. كەيىننەن قىلمىستىڭ ءمان-جايىن انىقتادى.

دەرەكتەرگە سايكەس، قىلمىس بولاردان ءبىراز ۋاقىت بۇرىن زارداپ شەگۋشىنىڭ ءىشى اۋىرا باستاعان، ماس كۇيىندەگى ەرى ايەلىن اۋرۋحاناعا بارۋعا كوندىرمەك بولعان. الايدا ايەل بارعىسى كەلمەي، قارسى بولعان. ناتيجەسىندە اشۋعا بۋلىققان كۇيەۋى اسۇيدە تۇرعان پىشاقتى الىپ، ايەلىنىڭ ىشىنە سۇعىپ العان.

قازىرگى تاڭدا قىلمىسكەر قولعا ءتۇسىپ، بولعان ىسكە قاتىستى ءوز كىناسىن تولىق مويىندادى. وقيعاعا قاتىستى تەكسەرۋ جۇمىستارى جۇرگىزىلىپ، كۇدىكتىنىڭ ۇستىنەن قىلمىستىق ءىس قوزعاۋ ماسەلەسى تالقىلانۋدا.