شىعىس قازاقستان وبلىسىنىڭ 6 اۋداننىڭ ءماسليحاتتارىنا 7 جاڭا دەپۋتات سايلاندى. سايلاۋ ناۋقانىنا تۇرعىندار دا بەلسەندى قاتىسىپ، جالپى كورسەتكىش 93،6% قۇراعان.  

         ايتا كەتسەك، ايماقتىڭ ءبىرقاتار اۋداندارىندا اۋداندىق ءماسليحاتتىڭ قۇرامىنان شىعىپ قالعان دەپۋتاتتاردىڭ ورنىنا 21 ازامات ۇمىتكەرلىگىن ۇسىنعان.

         – 26 ناۋرىز كۇنى وتكەن سايلاۋ ناۋقانى بارىسىندا ەشقانداي زاڭبۇزۋشىلىق ارەكەتتەر بايقالمادى. بۇل كۇنى سايلاۋ بولىمدەرىندە ءتارتىپتى قاداعالاپ، كومەك بىلدىرگەنى ءۇشىن ءىىد باسشىلىعنا العىسىمدى بىلدىرگىم كەلەدى، – دەدى شقو سايلاۋ كوميسسياسى باسشىسىنىڭ ورىنباسارى الەكساندر رۋكين.  

اتالمىش سايلاۋ ناۋقانىنا تۇرعىندار دا بەلسەندى قاتىسقان. سونىڭ ىشىندە جارما، كوكپەكتى اۋداندارىنىڭ 100% تۇرعىندارى تولىقتاي قاتىسىپ، ازاماتتىق بەلسەندىلىكتەرىن تانىتقان.