ماسكەۋدە رەسەي ىشكى ىستەر مينيسترلىگىنىڭ قۇرىلىس دەپارتامەنتىنىڭ باسشىسى نيكولاي ۆولكوۆتى اتىپ ءولتىرىپ كەتتى.
ينتەرفاكس اگەنتتىگىنىڭ حابارلاۋىنشا، 41 جاستاعى ۆولكوۆتىڭ ءولىمى 27 ناۋرىزدا ساعات تۇنگى 10-دار شاماسىندا ورىن العان.
بەلىگىسىز بىرەۋلەر ۆولكوۆقا الدىمەن شابۋىل جاساپ، سومكەسىن جۇلىپ اكەتەدى. سولاردىڭ بىرەۋى ەر ادامعا بىرنەشە مارتە وق اتىپ، ۆولكوۆ سول ساتتە ءتىل تارتپاي كەتەدى.
ۆولكوۆ مينيسترلىكتىڭ رەكونسترۋكسيا جانە قۇرىلىس دەپارتامەنتىنىڭ باستىعى بولعان.
ينتەرفاكستىڭ حابارلاۋىنشا، پوليسيا شەنەۋنىكتى ونىڭ قىزمەتىنە بايلانىستى ولتىرمەگەن، قىلمىس كادىمگى توناۋ ماقساتىندا جاسالعان بولۋى مۇمكىن دەپ جورامالداپ وتىر.
پىكىر قالدىرۋ