سەناتتىڭ ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋە كەڭىستىگىن پايدالانۋ جانە اۆياسيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى.
زاڭ جوباسىنىڭ ماقساتى ازاماتتىق اۆياسيا جانە اۋە كەڭىستىگىن پايدالانۋ سالاسىنداعى قازاقستان رەسپۋبليكاسىنىڭ زاڭناماسىن جەتىلدىرۋ، سونداي-اق ونى حالىقارالىق ازاماتتىق اۆياسيا ۇيىمىنىڭ (يكاو) ستاندارتتارىنا سايكەس كەلتىرۋ بولىپ تابىلادى. زاڭ جوباسى اۋە كەڭىستىگىن جانە اۆياسيا قىزمەتىن پايدالانۋ سالاسىنداعى باقىلاۋ مەن قاداعالاۋدى كۇشەيتۋگە، كورسەتىلەتىن قىزمەتتەردىڭ ساپاسىن كوتەرۋ مەن ۇشۋ قاۋىپسىزدىگىن قامتاماسىز ەتۋدە جاۋاپتىلىقتى ارتتىرۋعا باعىتتالعان.
زاڭ جوباسى اياسىندا شەتەلدىك تاسىمالداۋشىلاردى اككرەديتتەۋ، كوممەرسيالىق ەمەس ۇيىمداردى تارتۋ جانە اۋە كەمەلەرىن پايدالانۋشىلاردىڭ، اەروناۆيگاسيالىق قىزمەت كورسەتۋشىلەردىڭ، اۆياسيالىق وقۋ ورتالىقتارىنىڭ قىزمەتىن قاداعالاۋ بولىگىندە ازاماتتىق اۆياسيا سالاسىنداعى ۋاكىلەتتى ورگاننىڭ قۇزىرەتى ناقتىلانادى جانە تولىقتىرىلادى. اۆياسيا قىزمەتكەرلەرىن مەديسينالىق كۋالاندىرۋ جۇيەسىن جەتىلدىرۋ كوزدەلەدى، اۆياسيالىق مەديسينالىق ورتالىقتاردى سەرتيفيكاتتاۋدىڭ جاڭا ءتۇرى ۇسىنىلادى. تەرگەپ-تەكسەرۋ جونىندەگى ۋاكىلدىڭ قىزمەتى رەتتەلەدى.
زاڭ جوباسىنىڭ ءبىرقاتار ەرەجەلەرى ازاماتتىق اۆياسيادا اۆياسيالىق قاۋىپسىزدىك باعدارلاماسىن ەنگىزۋ، مەديسينالىق ساراپشىلارعا، اەروناۆيگاسيالىق قىزمەت كورسەتۋدى بەرۋشىلەرگە جانە لاۋازىمدى ادامدارعا جاۋاپتىلىقتى بەكىتۋ، سونداي-اق سەرتيفيكاسيالىق تەكسەرۋ كەزىندە ساناتتاردى ەنگىزۋ ارقىلى اۆياسيالىق قاۋىپسىزدىكتى قامتاماسىز ەتۋگە باعىتتالعان.
ودان باسقا، زاڭ جوباسىمەن شاعىن اۆياسيانى دامىتۋداعى، ۇشقىشسىز ۇشاتىن اپپاراتتارىن ەسەپكە الۋداعى، ارناۋلى ۇشۋعا رۇقسات الۋداعى، اۋە كەمەلەرىن پايدالانۋشىلارعا جالعا بەرۋدە اكىمشىلىك كەدەرگىلەردى جويۋعا قاتىستى ەرەجەلەر ەنگىزىلەدى.
زاڭ جوباسى پالاتانىڭ قاراۋىنا جىبەرىلدى.
پىكىر قالدىرۋ