يندونەزيانىڭ سۋلاۆەسي ارالىندا الىپ پيتون ەر ادامدى جۇتىپ قويدى. بۇل جايىندا Daily Mail باسىلىمى حابارلايدى، مالىمەتتىڭ قازاقشا نۇقساسىن «قامشى» پورتالى وقىرمان نازارىنا ۇسىنادى.
25 جاستاعى ارالدىڭ تۇرعىنى اكبار سالۋبيرو جەكسەنبى كۇنى كورشى اۋىلعا بارامىن دەپ ءىز-تۇزسىز جوعالىپ كەتكەن. كەلەسى كۇنى سول جىگىتتىڭ اۋىلداستارى ونى ىزدەۋگە شىعىپ، ءبىر ءۇيدىڭ اۋلاسىندا سۇلاپ جاتقان الىپ پيتوندى كورگەن. ولار جىلاننىڭ تەرىسىن كەسىپ كورگەندە، ىشىنەن سالۋبيرونىڭ ءمايىتى تابىلدى.
اۋىل كەڭەسىنىڭ وكىلى سالۋبيرو دجۋنايدي ەر ادام جوعالعان ءتۇنى اۋىل تۇرعىندارى پالمالار وسەتىن القاپ جاقتان ءبىر ادامنىڭ ايقايلاعان داۋىسىن ەستىگەنىن مالىمدەدى. الايدا، مۇنىڭ ءمان-جايىن انىقتاپ، ايقايلاعان ادامنىڭ كىم ەكەنىن بىلۋگە ەشكىم دە بارماعان.
پىكىر قالدىرۋ