29-ناۋرىزدا ورتالىق كوممۋنيكاسيالار قىزمەتىندە «ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ اياسىندا «كاسىپقور» حولدينگى» كەاق-نىڭ مىندەتتەرى، ونىڭ ىشىندە WorldSkills Kazakhstan جوباسى» تاقىرىبىنا ارنالعان باسپا ءسوز كونفەرەنسياسى وتكىزىلدى دەپ حابارلايدى qamshy.kz.
ءىس-شاراعا سپيكەر رەتىندە قازاقستان رەسپۋبليكاسى ءبىلىم جانە عىلىم مينيترلىگى تجكب دەپارتامەنتى حالىقارالىق جوبالار جانە سەرىكتەستىك باسقارماسىنىڭ باسشىسى راۋزا شيرگاتوۆا، «كاسىپقور» حولدينگى» كەاق-نىڭ باسقارما ءتوراعاسى نۇرعالي ارشابەكوۆ، «كاسىپقور» حولدينگى» كەاق-نىڭ باسقارما ءتوراعاسىنىڭ ورىنباسارى ساعات اپپايەۆ، «ەلەكترومونتاجداۋ جۇمىستارى» قۇزىرەتتىلىگى بويىنشا تەحنيكالىق ساراپشى ابيلدينوۆ قۋاتبەك بۋلات ۇلى قاتىستى.
بريفينگ بارىسىندا «كاسىپقور» حولدينگى» كەاق-نىڭ قىزمەتىنە قاتىستى جاڭا ءبىلىم بەرۋ باعدارلامالارىن ازىرلەۋ جانە ەنگىزۋ، مامانداردى دايارلاۋ ساپاسىن ارتتىرۋ سۇراقتارى، WorldSkills Kazakhstan جوباسىن دامىتۋ جانە ت.ب. سۇراقتار مەن تاپسىرمالاردى قوزعاۋ جوسپارلانۋدا.
WorldSkills – حالىقارالىق قوزعالىس، الەمنىڭ 76 مەملەكەتىنە تارالعان. ونىڭ باستى ماقساتى جۇمىسشى ماماندىقتاردىڭ بەدەلىن ارتتىرۋ جانە كەڭىنەن ناسيحاتتاۋ بولىپ تابىلادى.
2017 جىلعى ۇلتتىق چەمپيوناتتىڭ باستى ماقساتى – جاستاردى جۇمىسشى ماماندىقتاردى يگەرۋگە تارتۋ. WorldSkills قوزعالىسى ەلىمىزدىڭ جاس ماماندارىنا يگەرگەن كاسىبي داعدىلارىن جانە قۇزىرەتتىلىكتەرىن بارشاعا كورسەتۋگە مۇمكىندىك بەرەدى.
قازىرگى ۋاقىتتا WorldSkills Kazakhstan ۇلتتىق چەمپيوناتىن 2017 جىلعى ساۋىردە 27 قۇزىرەتتىلىك بويىنشا ۇيىمداستىرۋ جانە وتكىزۋ بويىنشا دايىندىق جۇمىستارى بەلسەندى جۇرگىزىلۋدە. ۇلتتىق قۇراما مۇشەلەرى WorldSkills Russia جانە ابۋ-دابي ق. (ءباا) حالىقارالىق چەمپيوناتتارعا قاتىسادى.
پىكىر قالدىرۋ