31 ناۋرىز – 1 ءساۋىر ارالىعىندا ق ر پرەمەر-مينيسترىنىڭ ورىنباسارى، اۋىل شارۋاشىلىعى ءمينيسترى اسقار مىرزاحمەتوۆ باستاعان قازاقستان دەلەگاسياسى جۇڭگو حالىق رەسپۋبليكاسىنىڭ بەجىڭ قالاسىندا بىرنەشە ماڭىزدى كەزدەسۋلەر وتكىزەدى دەپ حابارلايدى qamshy.kz ق ر اشم باسپا ءسوز قىزمەتىنە سىلتەمە جاساپ.

دەلەگاسيا قۇرامىندا اۋىل شارۋاشىلىعى مينيسترلىگى مەن وڭىرلەردىڭ سالالىق باسقارمالارىنىڭ باسشىلارى، «قازاگرو» حولدينگى مەن ەنشىلەس ۇيىمدارى وكىلدەرى جانە اۋىل شارۋاشىلىعى قاۋىمداستىقتارىنىڭ جەتەكشىلەرى مەن جەكە كاسىپكەرلەر بار.

ساپاردىڭ باستى ماقساتى – مەملەكەت باسشىسى ن.نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنداعى اۋىل شارۋاشىلىعى ونىمدەرىنىڭ ەكسپورتى بويىنشا بەرگەن تاپسىرمالارىن جۇزەگە اسىرۋ جانە ەكى جاقتى ءتيىمدى كەلىسىمدەرگە قول جەتكىزۋ.