ماجىلىستەگى كوممۋنيستەر فراكسياسىنىڭ دەپۋتاتتارى مۇعالىمدەردىڭ تاعى دا مىندەتىنە كىرمەيتىن جۇمىستارعا "جەگىلمەك" ەكەنىن ايتىپ، ۇكىمەت باسشىسىنا دەپۋتاتتىق ساۋال جولدادى، دەپ حابارلايدى Sputnik پورتالى.
"بيىلعى جىلى تۇلەكتەردىڭ قورىتىندى اتتەستاسياسى جانە ۇلتتىق ءبىرىڭعاي تەستىلەۋدىڭ جاڭا فورماتىنا سايكەس تۇلەكتەر ورتا ءبىلىم جونىندەگى اتتەستات الۋ ءۇشىن مەكتەپتەردە ەمتيحان تاپسىرادى جانە جوعارعى وقۋ ورنىنا ءتۇسىپ، گرانت الۋ مۇمكىندىگىنە يە بولۋ ءۇشىن ۇبت تاپسىرادى. قازىرگى ۋاقىتتا ءبىلىم جانە عىلىم مينيسترلىگى ۇبت تاپسىرۋ شارالارىن ۇيىمداستىرۋعا مەكتەپتەردى جاۋاپتى ەتىپ بەكىتىپ جاتىر. ونىڭ ىشىندە مەكتەپ تۇلەكتەرىن جيناۋ، كولىكپەن قامتاماسىز ەتۋ، ورتالىقتاندىرىلعان تاماق ۇيىمداستىرۋ، كەيبىر جاعدايدا تۇراتىن جەر ازىرلەۋ سەكىلدى جۇمىستار بار. بۇل رەتتە اتتەستات العان تۇلەكتەر مەكتەپتىڭ وقۋ پروسەسىنىڭ قاتىسۋشىسى بولىپ تابىلمايتىنىن اتاپ ءوتۋ كەرەك. ۇبت وتكىزۋدى ۇيىمداستىرۋعا مۇعالىمدەردى تارتۋ مىندەتىنە كىرمەيتىن جۇمىستى ورىنداۋ عانا ەمەس، سوناداي-اق ءوز وكىلەتتىكتەرىن اسىرا پايدالانۋ بولىپ تابىلادى"، — دەدى بۇگىن ءماجىلىستىڭ جالپى وتىرسىندا يرينا سميرنوۆا. 
ونىڭ ايتۋىنشا، تەستىلەۋدىڭ مۇعالىمدەردىڭ دەمالىسى كەزىندە وتەتىنىن دە ۇمىتپاۋ كەرەك. بۇل دەگەنىمىز، مۇعالىمدەردى ەڭبەك دەمالىسىنان شاقىرىپ الادى دەگەن ءسوز. بۇدان بولەك، ۇبت-عا قاتىسۋ ءار تۇلەكتىڭ جەكە قۇقىعى بولىپ تابىلادى. ەگەر ول ءارى قاراي جوعارعى وقۋ ورنىنا ءتۇسۋدى كوزدەمەسە، ونى ەشكىم ماجبۇرلەي المايدى. 

"ءبىلىم جانە عىلىم مينيسترلىگى بۇقارالىق اقپارات قۇرالدارىندا ءبىر اقپارات بەرەدى دە، ال شىن مانىندە باسقا جاعدايعا تاپ بولامىز. جاقىندا عانا مينيسترلىك باسشىلىعى رەسمي تۇردە مۇعالىمدەردى مىندەتىنە كىرمەيتىن جۇمىستاردان بوساتۋ قاجەتتىگىن مالىمدەگەن ەدى. ەندى سوزدەن ناقتى ىسكە كىرىسەتىن ۋاقىت جەتتى. سونداي-اق ۇبت قورىتىندىسى بويىنشا تاعى دا مەكتەپتەردىڭ رەيتينگىسى جاسالادى دەگەن اقپارات الاڭداۋشىلىق تۋدىرادى. بۇل جاعداي مەكتەپتىڭ ماقسات-مىندەتتەرىنە سايكەس كەلمەيدى دەپ سانايمىز"، — دەدى سميرنوۆا. 

وسىعان وراي، دەپۋتاتتار، مەكتەپ مۇعالىمدەرىن ۇبت وتكىزۋدى ۇيىمداستىۋ مىندەتىنەن بوساتۋدى جانە رەيتينگ جاساۋ تاجىريبەسىن دوعارۋدى سۇرادى.