«قازاق حاندىعى» تەلەحيكاياسىنىڭ جالعاسى رەتىندە قازاق حاندىعىنىڭ نىعايۋى مە دامىۋىنا زور ۇلەسىن قوسقان ايبارلى قاسىم حان تۋرالى تاريحي فيلم تۇسىرىلەدى. بۇل تۋرالى جازۋشى، «قازاق حاندىعى» تەلەحيكاياسى سەناريي اۆتورلارىنىڭ ءبىرى سماعۇل ەلۋباي «جاس الاش» گازەتىنە بەرگەن پىكىرىندە ايتقان.
«قازاق حاندىعى جوباسىنا قاتىستى جاڭالىعىمىز بار. وسى تاريحي جوبانىڭ جالعاسى رەتىندە پرەزيدەنت ن.نازاربايەۆ مادەنيەت جانە سپورت ءمينيسترى ارىستانبەك مۇحامەديۇلىنا قاسىم حان تۋرالى تاريحي فيلم تۇسىرۋگە تاپسىرما بەردى. بىزگە دە تاپسىرما بەرىلىپ، ءبىز، سەناريستەر، تاريحقا قايتادان كىرەيىك دەپ جاتىرمىز. بۇل ۇلكەن قۋانىش. قازاق حاندارىنىڭ ىشىندەگى ەڭ مىقتى، ايتۋلى حان – قاسىم. قازاقتىڭ قازىرگى تەرريتورياسىنىڭ نەگىزىن سول قاسىم حان كۇرەسپەن، شايقاسپەن ءجۇرىپ قالىپتاستىرعانى بەلگىلى. سوندىقتان بۇل جوبا قىزىقتى بولادى دەپ ويلايمىن. قالىڭ كورەرمەندى وسى ءبىر قۋانىشتى حابارمەن قۇتتىقتاپ قويايىن دەپ ەدىم» دەيدى.
ونىڭ حاندىق قۇرعان تۇسىندا قازاق جەرىنىڭ شەكاراسى كەڭەيىپ، مەملەكەتتىڭ دامۋى، ءوسۋى قارقىن العان.
الايدا، قاسىم حان تۋرالى تاريحي كينو جوبانى قانداي رەجيسسەر تۇسىرەتىنى ازىرگە بەلگىسىز.
