ق ر پرەزيدەنتى نۇرسۇلتان نازاربايەۆتىڭ تاپسىرماسىمەن قازاقستان پرەمەر-مينيسترى باقىتجان ساعىنتايەۆ باتىس قازاقستان وبلىسىنا كەلدى.

پرەمەر-مينيستر باعدارلاماسىندا ءىرى ونەركاسىپتىك كاسىپورىنداردى، وندىرىستىك كومپانيالاردى، ءبىلىم بەرۋ مەكەمەلەرىن جانە ءتۇرعىن-ۇي نىساندارىن ارالاۋ جوسپارلانعان.

كومپانيالار، مەملەكەتتىك ورگاندار جانە سالالىق قۇرىلىمداردىڭ باسشىلارىمەن كەزدەسۋ بارىسىندا باقىتجان ساعىنتايەۆ «نۇرلى جەر» ءتۇرعىن-ۇي قۇرىلىسى باعدارلاماسىنىڭ ىسكە اسىرىلۋ بارىسىن جانە ەل ەكونوميكاسىنىڭ، جالپى قۇرىلىس سالاسىنىڭ كەلەشەگىن تالقىلايدى. بۇدان وزگە، «اتامەكەن» كاسىپكەرلەر پالاتاسىنىڭ وڭىرلىك كەڭەسىمەن جانە باتىس قازاقستان اگرارلىق-تەحنيكالىق ۋنيۆەرسيتەتىنىڭ ستۋدەنتتەرىمەن ىسكەرلىك كەڭەس وتكىزۋ جوسپارلانعان.

ايتا كەتۋ كەرەك، باتىس قازاقستان وبلىسى رەسپۋبليكا ءۇشىن ماڭىزدى ونەركاسىپتىك ماڭىزعا يە. ءوڭىردىڭ مۇناي جانە گاز ءوندىرۋ، مۇناي ونىمدەرىن قايتا وڭدەۋ، ماشينا جاساۋ كاسىپورىندارى، مەتاللۋرگيا، قورعانىس، تاۋ-كەن ءوندىرىسى، تىگىن جانە ازىق-تۇلىك سالالارىندا ونەركاسىبى بار.

ەسكە سالا كەتەيىك، ق ر پرەمەر-مينيسترى ەلىمىزدىڭ وڭىرلەرىنە جۇمىس ساپارلارىن جالعاستىرۋدا. بۇعان دەيىن باقىتجان ساعىنتايەۆ جۇمىس ساپارىمەن شىعىس قازاقستان وبلىسىنا بارعان بولاتىن.

ق ر پرەمەر-مينيسترى باقىتجان ساعىنتايەۆ باتىس قازاقستان وبلىسىندا «نۇرلى جەر» باعدارلاماسىنىڭ جۇزەگە اسىرىلۋ بارىسى مەن ساپاسىن تەكسەردى

باقىتجان ساعىنتايەۆ باتىس قازاقستان وبلىسىنا جۇمىس ساپارى بارىسىندا «نۇرلى جەر» باعدارلاماسى اياسىندا تۇرعىزىلعان تۇرعىن ۇيلەردى ارالادى.

نىسانداردى ارالاۋ بارىسىندا ب. ساعىنتايەۆ تۇرعىن ۇيلەردىڭ ساپاسىن تەكسەرىپ، «نۇرلى جەر» باعدارلاماسىن ىسكە اسىرۋ بويىنشا ءارى قارايعى جوسپارلار تۋرالى ەسەپتى تىڭدادى. بۇدان وزگە، پرەمەر-مينيسترگە ورال قالاسىنىڭ ەسكى اپاتتى ۇيلەرىن قۇلاتۋ بويىنشا مەملەكەتتىك-جەكەشەلىك ارىپتەستىك جوبالارى تانىستىرىلدى.

وڭىردەگى العاشقى كوپپاتەرلى ۇيلەر ءۇيقۇرىلىسى كومبيناتى تەحنولوگياسى بويىنشا تۇرعىزىلادى. ونىڭ ارتىقشىلىعى – ۇيلەر سالىستىرمالى تۇردە جىلدامىراق تۇرعىزىلادى. مىسالعا، 72 پاتەرلى ءۇي 1،5-2 ايدىڭ ىشىندە تۇرعىزىلادى. سونىمەن قوسا، قۇرىلىس جۇمىستارىنا وتاندىق ماتەريالداردىڭ جوعارعى پايىزى، زاماناۋي جابدىقتار قولدانىلادى.

ايتا كەتۋ كەرەك، مەملەكەت باسشىسى قازاقستاننىڭ ءۇشىنشى جاڭعىرۋى اتتى ق ر حالقىنا جولداۋىندا وتاندىق ەكونوميكانىڭ تولىققاندى درايۆەرىنە اينالۋعا ءتيىستى قۇرىلىس سەكتورىن دامىتۋ تۋرالى مىندەت قويدى. وسى ورايدا ۇكىمەت قۇرىلىس پەن قۇرىلىس ماتەريالدارى ءوندىرىسىن جاڭا تەحنولوگيالار ترانسفەرتىمەن قامتاماسىز ەتۋ بويىنشا بەلسەندى جۇمىستار جۇرگىزۋدە.

«نۇرلى جەر» تۇرعىن ءۇي باعدارلاماسىن ىسكە اسىرۋ ماڭىزدى مىندەت – الداعى 15 جىلدا 1،5 ميلليون وتباسىن تۇرعىن ۇيمەن قامتاماسىز ەتۋ مىندەتىنىڭ شەشىمىن تابۋعا باعىتتالعان.