بۇگىن جامبىل وبلىسىنىڭ وڭىرلىك كوممۋنيكاسيالار قىزمەتى الاڭىندا «نۇرلى جول» مەملەكەتتىك باعدارلاماسىنىڭ ورىندالۋ بارىسى تۋرالى بريفينگ ءوتتى دەپ حابارلايدى qamshy.kz. بريفينگە وبلىس اكىمدىگىنىڭ قۇرىلىس، جولاۋشىلار كولىگى جانە اۆتوموبيل جولدارى باسقارماسىنىڭ باسشىسى احاتايەۆ ادىلەت بەگالى ۇلى بايانداما جاساپ، بەلگىلەنگەن تاقىرىپ اياسىندا ب ا ق وكىلدەرىنىڭ سۇراقتارىنا دا جاۋاپ بەردى.

ادىلەت بەگالى ۇلىنىڭ مالىمەتىنشە، ينفراقۇرىلىمدى دامىتۋدىڭ 2015 - 2019 جىلدارعا ارنالعان "نۇرلى جول" مەملەكەتتىك باعدارلاماسى قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى № 957 جارلىعىمەن بەكىتىلدى.

جامبىل وبلىسى اكىمدىگىنىڭ قۇرىلىس، جولاۋشىلار كولىگى جانە اۆتوموبيل جولدارى باسقارماسى ءۇش باعىت بويىنشا باعدارلاما اكىمشىسى بولىپ تابىلادى.

ءبىلىم بەرۋ سالاسىنداعى ينفراقۇرىلىمدى دامىتۋ باعىتى بويىنشا 2016 جىلى – 7 نىسان قۇرىلىسىنا 3،3 ملرد. تەڭگە ءبولىنىپ، 5 نىسان پايدالانۋعا تاپسىرىلدى.

ال، 2017 جىلى 2 مەكتەپتىڭ قۇرىلىسىن جالعاستىرۋعا جانە 3 مەكتەپتىڭ قۇرىلىسىن باستاۋعا ق ر ۇلتتىق قورى ەسەبىنەن جانە جەرگىلىكتى بيۋدجەتتەن قوسىمشا قارجىلاندىرۋعا 2،63 ملرد. تەڭگە ءبولىنىپ وتىر.

جاڭا وقۋ جىلىنا دەيىن، 1600 وقۋشىعا ارنالعان 2 مەكتەپ پايدالانۋعا تاپسىرىلۋى جوسپارلانىپ وتىر.

ودان بولەك جاڭادان باستالاتىن 3 مەكتەپتىڭ قۇرىلىسى ءساۋىر جانە شىلدە ايلارىناندا باستالادى. نىساندار كەلەسى 2018 جىلعا وتپەلى، - دەپ بايانداماسىن قورىتىندىلادى باسقارما باسشىسى ادىلەت احاتايەۆ.