بۇگىندە حالىقتىڭ مادەنيەتىن ارتتىرىپ، وسەر ۇرپاقتى ۇلتجاندىلىققا تاربيەلەپ، ۇلتتىق ونەرىمىزدى دارىپتەپ وتىرعان وبلىس كولەمىندەگى مادەنيەت، ارحيۆ مەكەمەلەرىنىڭ سانى 2000 جىلدارى 40-قا جۋىق بولسا، بۇگىنگى كۇنى 546-عا جەتىپ وتىر. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە جامبىل وبلىسى اكىمدىگى مادەنيەت، مۇراعاتتار جانە قۇجاتتاما باسقارماسىنىڭ باسشىسى دۇيسەنالى بىقىبايەۆ مالىمدەدى دەپ حابارلايدى qamshy.kz.

سپيكەردىڭ مالىمەتىنە سۇيەنسەك، 2016 جىلى جوسپارلانعان شارالار ورىندالىپ، كوزدەلگەن ماقساتتى ينديكاتورلارعا قول جەتكىزىلدى.

مادەنيەت سالاسىنا بولىنگەن قارجى كولەمى 4،7 ملرد. تەڭگەنى قۇراپ، بيۋدجەت قاراجاتى 100%-عا يگەرىلدى.

2016 جىلى «جۇمىسپەن قامتۋ – 2020 جول كارتاسى» باعدارلاماسى اياسىندا 242 ملن. 317 مىڭ تەڭگەگە 29 مادەنيەت نىسانى كۇردەلى جانە اعىمداعى جوندەۋدەن ءوتتى. جالپى العاندا 2009 جىلدان بەرى «جول كارتاسى» ينۆەستيسيالىق جوباسى مەن «جۇمىسپەن قامتۋ – 2020 جول كارتاسى» باعدارلاماسى اياسىندا 3 ملرد. 331،5 ملن. تەڭگەگە وبلىس كولەمىندە 249 نىسان كۇردەلى جانە اعىمداعى جوندەۋدەن ءوتتى.

«تاريحي مۇرا – باعا جەتپەس قازىنا» - دەيدى دانا حالقىمىز. سوندىقتان كيەلى مۇرانى ساقتاۋ، كەلەر ۇرپاققا جەتكىزۋ – ءبىزدىڭ باستى پارىزىمىز. قازىرگى تاڭدا وبلىستاعى تاريح جانە مادەنيەت ەسكەرتكىشتەرىنىڭ ساندىق كورسەتكىشى 3 365ء-تى قۇرايدى. ونىڭ ىشىندە: 741 تاريحي-مادەني ەسكەركتىش مەملەكەتتىك تىزىمگە الىنعان، مۇنىڭ 711 ەسكەركتىشى جەرگىلىكتى دارەجەدەگى، 25ء-ى رەسپۋبليكالىق دارەجەدەگى، ال 5ء-ى بۇكىل الەمدىك حالىقارالىق دارەجەدەگى ەسكەركتىشتەر.

ۇلى جىبەك جولى بويىنداعى يۋنەسكو-نىڭ «بۇكىلالەمدىك مادەني مۇرا» تىزبەسىنە ەنگەن 5 نىسانعا (اقتوبە (بالاساعۇن)، ورنەك، قۇلان، قوستوبە قالاشىقتارى جانە اقىرتاس كەشەنى)  2016 جىلدىڭ 31 قازان – 9 قاراشا ارالىعىندا دۇنيەجۇزىلىك مۇرا ورتالىعى، يكوموس، ق ر مادەنيەت جانە سپورت مينيسترلىگى ساراپشىلارىنىڭ قاتىسۋىمەن مونيتورينگ جۇرگىزۋ جونىندەگى رەاكتيۆتىك ميسسياعا ءوتىپ، كوميسسيانىڭ قورىتىندىسىمەن جەرگىلىكتى ماڭىزداعى ورتاعاسىرلىق قوستوبە جانە ورنەك قالاشىقتارىنا رەسپۋبليكالىق دارەجەدەگى مارتەبەسى بەرىلدى.

وتكەن جىلى جامبىل ءوڭىرىنىڭ رۋحاني مادەنيەتىن دامىتۋعا ۇلكەن ۇلەس قوسقان ۇلى تۇلعالار مەن ءىرى قايراتكەرلەردىڭ ەڭبەگىن كەلەشەك ۇرپاققا جەتكىزۋ ماقستىندا، ەل تاۋەلسىزدىگىنىڭ 25 جىلدىعى مەن قازاق حالقىنىڭ ۇلى اقىنى ج.جابايەۆتىڭ 170 جىلدىعىنا وراي جامبىل جابايەۆ اتىنداعى «رۋحانيات» ورتالىعى اشىلدى.

سونىمەن قاتار، اكادەميك «ك.ي.سكريابيننىڭ ءۇي-مۇراجايى» جانە قاراحان كەسەنەسى جانىندا ورنالاسقان «ورتاعاسىرلىق مەشىت» قايتا قالپىنا كەلتىرىلىپ، تۋريستەر باراتىن ورىنعا اينالدىرۋ جۇمىستارى جۇرگىزىلدى، - دەپ حابارلادى بريفينگ بارىسىندا باسقارما باسشىسى دۇيسەنالى دىبىسالى ۇلى.