قازاقستاندا جۇزدەن استام سوتتالۋشىعا راقىمشىلىق جاساۋدان باس تارتىلدى، دەپ حابارلادى ءىىم قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتىنە سىلتەمە جاساپ قازاقپارات 

«قازاقستان رەسپۋبليكاسى تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» ق ر زاڭىن ىسكە اسىرۋ اياقتالۋ ساتىسىندا. 2017 جىلعى 29 ناۋرىزداعى جاعداي بويىنشا، ق ر زاڭى ىسكە اسىرىلعان ساتتەن باستاپ سوتتاردا 12 مىڭنان استام ماتەريال قارالدى. بۇل رەتتە، رەسپۋبليكا بويىنشا تۇرمەلەردەن ءبىر مىڭنان استام سوتتالۋشى بوساپ شىقتى. سونداي-اق سوت شەشىمىمەن قوعامنان وقشاۋلانباي جازا مەرزىمىن وتەپ جاتقان جانە پروباسيالىق باقىلاۋعا الىنعان بەس مىڭعا جۋىق ادام بوساتىلدى»، - دەپ حابارلادى ۆەدومستۆودان.

ءۇش مىڭعا جۋىق جازاسىن وتەۋشىنىڭ، سونىڭ ىشىندە تۇرمەدەگى 1234 ادامنىڭ جازا مەرزىمىنىڭ وتەلمەگەن بولىگى قىسقارتىلدى. بۇل رەتتە، جۇزدەن استام سوتتالۋشىعا ءتۇرلى سەبەپتەرمەن راقىمشىلىق قولدانۋدان باس تارتىلدى. ولاردىڭ باسىم دەنىندە جازاسىن وتەۋشى قىلمىسىمەن كەلتىرگەن شىعىندى تولىق كولەمدە وتەمەۋىمەن بايلانىستى.  

«الايدا، ەگەر «راقىمشىلىق تۋرالى» زاڭدا كوزدەلگەن ۋاقىت ىشىندە زالال تولىق وتەلسە، ولاردا سوتقا قايتا جۇگىنۋگە مۇمكىندىك پايدا بولادى»، - دەپ اتاپ ءوتتى قاج كوميتەتىندە.