100 جاسار امەريكاندىق زەينەتكەر زەيناتاقىدا ءجۇرىپ قاتتى زەرىگىپ كەتكەن. بۇل ماسەلەگە بەيجاي قاراماعان ونىڭ بۇرىڭعى جۇمىس بەرۋشىسى ونى 1 كۇنگە جۇمىسقا شىعۋعا شىقىرعان. بۇل تۋرالى «قامشى» پورتالى  Associated Press-كە سىلتەمە جاساپ حابارلايدى.

ول Hutchinson Plumbing، Heating and Cooling كومپانياسىنان 3 جىل بۇرىن كەتىپ قالعان. بۇل كومپانيا جىلىتۋ، قۇبىرلاردى جوندەۋ ىستەرىمەن اينالىسادى. زەينەتاقىدا ءجۇرىپ بوس جۇرگەنىن سەزىپ، وسىعان كوڭىلى تولماعان زەينەتكەر ءوزىنىڭ بۇرىڭعى جۇمىسىنا قايتا ورالۋدى اڭساپ جۇرگەندىگىن جەتكىزگەن. 32 جىل بويى زەينەتكەر ءوز ءىسىنىڭ مامانى بولعان.

بيلل حانسەن 100 جاسقا تولعان كەزدە  ول جۇمىس ىستەگەن كومپانيا باسشىسى ونىڭ تىلەگىن ورىندادى. زەينەتكەردى جۇمىس ورنىنا شاقىرىپ، كومپانيا ديرەكتورى ءوزى دايىنداعان تاپسىرمالار ءتىزىمىن زەينەتكەر قولىنا تاپسىرعان. ال ونىڭ ارىپتەستەرى زەينەتكەردى مەرەي تويىمەن قۇتتىقتاعان. ىستەگەن جۇمىسى ءۇشىن زەينەتكەرگە – 1 دوللار تولەنگەن.

100 جاسار امەريكاندىق زەينەتكەر ءوزىنىڭ جولى بولعاندىعىن ايتادى. «مەنىڭ ومىرىمدە تاڭەرتەڭ تۇرىپ بارعىم كەلمەيتىن جۇمىس بولماپتى» دەيدى.