شىمكەنت تۇرعىنى ۇستىنە بەنزين شاشىپ، ورتەندى. ول تۋىستارىنىڭ كوزىنشە ورتەنگەن، - دەپ حابارلايدى qamshy.kz Tengrinews.kz-كە سىلتەمە جاساپ.

  قايعىلى وقيعا تۇندە شىمكەنتتىڭ شەتىندەگى بوزارىقتا بولعان. بۇل وقيعانى وقو ءىىد وكىلدەرى راستاپ وتىر.  1979 جىلعى ەر ادام ۇستىنە بەنزين قۇيىپ، تۇتاتىپ جىبەرگەن. كۋاگەرلەردىڭ ايتۋىنشا، تۋىستارى ءورتتى سوندىرۋگە تىرىسقان، ءبىراق ولار وزدەرى ورتەنىپ كەتە جازداعان.

ابىروي بولعاندا، ايەلى مەن بالالارى زارداپ شەكپەدى. وبلىستىق اۋرۋحانا دارىگەرلەرىنىڭ ايتۋىنشا، ەر ادام قازىرگى ۋاقىتتا جانساقتاۋ بولىمىندە جاتىر. ونىڭ 75 پايىز دەنەسى كۇيىپ قالعان. 1997 جىلعى قىز دا دەنەسىنىڭ 12 پايىزىن كۇيىك شالىپ، اۋرۋحاناعا تۇسكەن.

پوليسياداعىلار وسى دەرەك بويىنشا "ءوز-وزىن ولتىرۋگە دەيىن جەتكىزۋ" بابىمەن تەرگەۋ جۇرگىزىپ جاتىر.