پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى داريعا نازاربايەۆا باستاعان كوميتەتتىڭ كوشپەلى وتىرىسىندا مەملەكەتتىك شەكارانى كۇزەتۋ ماسەلەلەرى تالقىلاندى دەپ حابارلايدى qamshy.kz.

شارا ۇقك شەكارا قىزمەتىنىڭ وڭتۇستىك قازاقستان وبلىسىنداعى 2020 اسكەري ءبولىمىنىڭ اياسىندا ءوتتى.

تالقىلاۋ الدىندا سەناتورلار يكرام ادىربەكوۆ، مۋحتار التىنبايەۆ، سەرىك جاقسىبەكوۆ، گەورگيي كيم، لياززات كيينوۆ سارىاعاش شەكارا جاساعىنىڭ «جىبەك جولى» وتكىزۋ بەكەتى مەن «دارحان» شەكارا زاستاۆاسىندا بولدى. ولار قازاقستاندىق شەكاراشىلاردىڭ جاۋىنگەرلىك قىزمەتىمەن تانىسىپ، ينفراقۇرىلىم نىساندارىن ارالادى.

ەلىمىزدىڭ شەكارا قىزمەتىنىڭ باسشىسى، گەنەرال-مايور دارحان ءدىلمانوۆ شەكاراداعى قازىرگى جاعداي، اتقارىلعان جۇمىستار، سونداي-اق شەشۋدى تالاپ ەتەتىن وزەكتى ماسەلەلەر تۋرالى وتىرىس بارىسىندا جان-جاقتى حاباردار ەتتى.

«ۇلتتىق قاۋىپسىزدىككە تونەتىن قاۋىپ-قاتەرلەر (تەرروريزم، ەكسترەميزم، ەسىرتكى، قارۋ-جاراق كونترابانداسى، زاڭسىز كوشى-قون) ەسكەرە وتىرىپ، شەكارا قىزمەتى شىعىس جانە سولتۇستىك باعىتتارداعى شەكارانى كۇزەتۋ دەڭگەيىن تومەندەتكەن جوق، ءارى باستى نازاردى وڭتۇستىك جانە وڭتۇستىك-باتىس ستراتەگيالىق باعىتتارعا اۋدارۋدا، - دەدى ۇقك ءتوراعاسىنىڭ ورىنباسارى-شەكارا قىزمەتىنىڭ ديرەكتورى د.ءدىلمانوۆ.

قازىرگى تاڭدا قازاقستان-قىرعىزستان جانە قازاقستان-تۇرىكمەنستان مەملەكەتتىك شەكاراسىن شەگەندەۋ پروسەسى اياقتالدى. قازاقستان-قىرعىزستان شەكاراسىن شەگەندەۋ مەن ءتارتىبى تۋرالى حالىقارالىق شارتتارعا قول قويۋعا دايىندىق جانە كەلىسۋ جۇمىستارى جۇرگىزىلۋدە.

2017 جىلعى قاڭتاردان باستاپ بۇگىنگى كۇنگە دەيىن مەملەكەتتىك شەكارانى كۇزەتۋ كەزىندە شەكارا ايماعىندا 3 545 قۇقىق بۇزۋشىلىقتىڭ جولى كەسىلدى. 75،5 كيلوگرامم ەسىرتكى زاتىنىڭ (ونىڭ ىشىندە 50 كيلوگراممنان استام گەروين)، سونداي-اق 16 قارۋ مەن 523 وق اينالىمنان الىندى.

پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى داريعا نازاربايەۆا وڭتۇستىك قازاقستان وبلىسىنا ەكى كۇندىك ساپاردى قورىتىندىلاي كەلىپ، شەكارا قىزمەتىنىڭ تەحنيكالىق جابدىقتالۋىنىڭ جوعارى دەڭگەيىن اتاپ ءوتتى. «بۇل سالانىڭ باسىمدىققا يە ەكەنى بارشاعا بەلگىلى، اسكەري قىزمەتشىلەردىڭ، ونىڭ ىشىندە الەۋمەتتىك جاعىنان قورعالۋى ءۇشىن بارلىق جاعداي جاسالادى. اسكەري قىزمەت تۋرالى زاڭناماعا اسكەري قىزمەتشىلەردى تۇرعىن ۇيمەن قامتاماسىز ەتۋ ماسەلەلەرىن ەلەۋلى تۇردە جەڭىلدەتەتىن تۇزەتۋلەر ماجىلىستە ەنگىزىلدى. ول وتە اۋقىمدى جۇمىس، ول دەپۋتاتتاردىڭ ەڭبەگى دەپ سانايمىن»، - دەدى سەناتور رەسپۋبليكالىق جانە ايماقتىق بۇقارالىق اقپارات قۇرالدارىنا بەرگەن سۇحباتىندا.

د.نازاربايەۆا بيۋدجەت قارجىسىن ەلەۋلى تۇردە وڭتايلاندىراتىن ءبىرىڭعاي اۆياسيا قىزمەتىن قۇرۋ كەرەك دەپ سانايدى.

«جالپى العاندا، قيىندىقتارعا قاراماستان ادال قىزمەت ەتەتىن ءبىزدىڭ اسكەريلەرگە ريزاشىلىعىمدى بىلدىرەمىن. ءبىز وسى ماماندىقتى تاڭداعان ادامدارعا زور قۇرمەتپەن قاراۋعا، ولاردىڭ اماندىعىنا تىلەكشى بولۋىمىز كەرەك. الدا قازاقستان قارۋلى كۇشتەرىنىڭ 25 جىلدىعى كەلە جاتىر، سوندىقتان ءبىزدىڭ اسكەريلەرگە جۋرناليستەردىڭ نازار اۋدارۋىن وتىنەمىن. ولار ءبىزدىڭ بەيبىتشىلىگىمىزدى قامتاماسىز ەتىپ كەلەدى. قوعامدى وسى ماماندىققا قۇرمەت كورسەتۋگە تاربيەلەۋ كەرەك»، - دەدى كوميتەت ءتوراعاسى.

سەناتورلار سونداي-اق رەسپۋبليكالىق «جاس ۇلان» اسكەر مەكتەبىندە بولدى. ولار وتانىمىزدىڭ جاس قورعاۋشىلارى – مەكتەپ تاربيەلەنۋشىلەرىمەن كەزدەسىپ، اسكەري مەكتەپكە كومپيۋتەرلىك سىنىپ جانە دارىگەرلىك جابدىقتار تارتۋ ەتتى.