ءۇندىستاننىڭ وديشا شتاتىندا جانتۇرشىگەرلىك جاعداي ورىن الدى. بالالار قۇمدا ويناپ جاتىپ، كىشكەنتاي ءسابيدىڭ اياعىن كورىپ قالادى. بالالار بىردەن ۇلكەندەردى شاقىرىپ كەلەدى. ولار قۇمنان تۋىلعانىنا بىرنەشە ساعات قانا بولعان ءسابيدى تاۋىپ الدى.
كىشكەنتاي قىزدىڭ دەنەسى كوك شوبەرەكپەن ورالعان. ءسابيدىڭ جىلاعانى ەستىلمەۋى ءۇشىن ونىڭ بەتى مەن اۋىزى شوبەرەكپەن تۇمشالانعان ەكەن. ادامدار پوليسيا مەن دارىگەرلەردى شاقىردى. ابىروي بولعاندا بالا امان قالدى. پوليسەيلەر ءسابيىن ولتىرمەك بولعان اناسى مەن اكەسىن ىزدەستىرىپ جاتىر. ءقازىر بالانىڭ ومىرىنە ەشقانداي ءقاۋىپ ءتونىپ تۇرعان جوق.
ءۇندىستاندا مۇنداي جاعدايعا تاڭ قالمايدى. سەبەبى نانىن ارەڭ تاۋىپ جۇرگەن وتباسىندا قىز دۇنيەگە كەلسە، ولار ءۇشىن بۇل قۋانىشتى جاڭالىق ەمەس. سەبەبى قىز جات جۇرتتىق بولعاننان كەيىن وسكەندە تۇرمىسقا شىعاتىنى بەلگىلى. ال وعان قىزىنىڭ جاساۋىن دايىنداۋ كەرەك. ول ءۇندىستاندا از اقشا تۇرمايدى. رەسمي ەمەس دەرەكتەرگە ساي، ءۇندىستاندا زاڭسىز تۇسىك تاستاۋ سوڭعى جىلى ميلليونداعان قىزدىڭ ءومىرىن قيدى.
