جەلىدە جەتىمدەر ءۇيىنىڭ تۇلەكتەرى ىستامبۇل قالاسىنداعى الەمگە بەلگىلى مەشىتتىڭ جانىندا قازاقتىڭ قارا دومبىراسىمەن كۇي ورىنداعان ۆيدەوسى تارالدى. ونى ۆەنەرا ەسىموۆا ەسىمدى Facebook قولدانۋشىسى ايبەك ەسىموۆتى بەلگىلەپ «سەنى جانە وقۋشىلارىڭدى ماقتان تۇتامىن» دەپ جازىپ، جاريالاعان.
«فەستيۆالگە بارعاندا، ىستامبۇل قالاسىندا ەكى كۇنگە توقتاۋعا مۇمكىندىك تۋدى. وسمان يمپەرياسىنىڭ بۇرىنعى استاناسىنىڭ تاريحى، ساۋلەتى، ادەمىلىگى ءبىزدى رۋحتاندىرىپ، اشىق اسپان استىندا مەشىتتىڭ جانىندا دايىندىق جۇمىستارىن جۇرگىزدىك. مەن ءارقاشان ءوز وقۋشىلارىمدى ءوز وتانىن ماقتان تۇتۋدى، ءوز ەلىنىڭ پاتريوتى بولۋ كەرەكتىگىن ايتىپ وتىرامىن. قازاقستاننىڭ كوك تۋىن بيىكتە ۇستاۋدى قالايمىن. ءبىز قازاقتىڭ كۇيىن اۋەجايدا، ساياباقتا، قوناق ۇيدە، اسحانادا جانە ت.ب. مۇمكىن جەرلەردىڭ بارلىعىندا ورىندادىق. ءبىز فەستيۆالگە دايىندالعانىمىزبەن شەتەلدىكتەردى قازاقتىڭ باي مادەنيەتىمەن تانىستىردىق» دەپ جازدى ايبەك ەسىموۆا.
ىستامبۇلدا كۇي ورىنداعاندا كۇن سۋىق بولعانىن جانە جاڭبىر جاۋىپ تۇرعاندىقتان جاستاردىڭ كۇيدى ءوز دەڭگەيىندە ورىنداي الماعانىن دا ەسكەرتتى.
