بۇگىن الماتىنىڭ قىلمىستىق ىستەر بويىنشا مامانداندىرىلعان اۋدانارالىق سوتىندا بتا بانكىنىڭ بۇرىنعى باسشىسى مەن قارجى ينستيتۋتىنىڭ بۇرىنعى توپ-مەنەدجەرلەرىنە قاتىستى سوت وتىرىسى باستالدى.

مۇحتار ءابىلازوۆتىڭ سىبايلاستارى ءوز كىنالارىن مويىندادى، دەپ حابارلايدى informburo.kz ءتىلشىسى.  ايىپتالۋشىلار – بتا بانكىنىڭ بۇرىنعى توپ-مەنەدجەرلەرى: جاقسىلىق جارىمبەتوۆ، قايرات سادىقوۆ، جانە ءسادۋاقاس مامەش. قورعاۋشىلار سوتتىڭ ەڭ باستى ايىپتالۋشىسى مۇحتار ءابىلازوۆسىز وتۋىنە قارسى بولعان جوق.

سوت وتىرىسىندا جاقسىلىق جارىمبەتوۆ وزىنە تاعىلعان ايىپتى تولىق مويىندادى. ال، سادىقوۆ پەن مامەش ق ر قىلمىستىق كودەكسىنىڭ بابىنداعى كورسەتىلگەن ايىپتاۋعا ءىشىنارا كەلىستى.
بۇل جايىندا ولار الماتى قالاسى قىلمىستىق ىستەر جونىندەگى مامانداندىرىلعان اۋدانارالىق سوت ءتوراعاسى مارتپەك كاكىمجانوۆتىڭ قويعان سۇراعىنا جاۋاپ بەرۋ بارىسىندا ايتتى.

پروكۋراتۋرانىڭ مالىمدەۋىنشە، ءابىلازوۆتىڭ 12 بولمەسى بار لوندوندىق جەكەجايدا تىعىلعانى بەلگىلى بولدى. سونداي-اق الماتىنىڭ ەكس-اكىمى ۆيكتور حراپۋنوۆتىڭ كومەگىمەن ساتپاق بولعان نيۋ-يوركتەگى جىلجىمايتىن مۇلىكتىڭ  ءابىلازوۆ پەن ونىڭ تۋىستارىنا تيەسىلى ەكەنى انىقتالدى.