بۇكىل الەمدەگى قولدانۋشىلار 11 ساۋىردە تەگىن Windows 10 Creators Update جاڭارتىلعان نۇسقاسىنا قول جەتكىزبەك

الماتى، 2017 جىلدىڭ 3 ءساۋىرى. جاڭارتىلعان نۇسقادا شىعارماشىلىق قۇرالدارعا قوسا، Microsoft Edge جاڭا فۋنكسيالارى، قاۋىپسىزدىك پەن قۇپيالىقتى ساقتاۋعا ارنالعان قوسىمشا ت.ب. كوپتەگەن مۇمكىندىكتەر پايدا بولىپ وتىر. Creators Update ءاربىر قولدانۋشىعا 3D تەحنولوگياسى مەن ارالاس شىندىقتى قولدانۋعا جانە دە ءاربىر گەيمەرگە (ويىنشى) ستريمەر (ءوز ويىنىن بەينە ارقىلى تاراتۋشى) بولۋعا مۇمكىندىك بەرۋ، شىعارماشىلىقپەن اينالىسۋ مۇمكىندىگىن ۇسىنۋ، ولاردىڭ الەۋەتىن اشۋ ءۇشىن جاساپ شىعارىلدى.

بارلىعىنا ارنالعان 3D جانە ارالاس شىندىق

Creators Update نۇسقاسىنداعى جاڭا Paint 3D قوسىمشاسى 3D-وبەكتەردى وڭاي جاساپ، ولاردىڭ ءتۇسىن وزگەرتۋگە، تەكستۋرالاردى قوسۋعا، 2D-وبەكتەردى 3D-وبەكتەرگە اينالدىرۋعا مۇمكىندىك بەرەدى. 2020 جىلعا قاراي 3D-يندۋستريا كولەمى 62%-عا ارتادى دەپ كۇتىلۋدە، سوندىقتان Microsoft ءاربىر ادامعا Creators Update كومەگىمەن كولەمدى وبەكتەردى جاساپ شىعارىپ، 3D الەمىنە قول سوزۋعا مۇمكىندىك بەرۋدى كوزدەپ وتىر.

Windows 10 Creators Update فيزيكالىق جانە ۆيرتۋالدىق الەم اراسىنداعى شەكارانى الىپ تاستاپ، 3D الەمىنە، ارالاس شىندىقتىڭ ورتاسىنا تۇسۋگە ارنالعان سان الۋان تەحنولوگيالاردى ۇسىنىپ وتىر. Acer، ASUS، Dell، HP جانە Lenovo كومپانيالارى ارالاس شىندىققا قول جەتكىزۋگە مۇمكىندىك بەرەتىن Windows Mixed Reality تەحنولوگياسىمەن جۇمىس جاساي الاتىن قۇرىلعىلاردى تۇڭعىش رەت شىعارىپ وتىر. بۇل جاڭا قۇرىلعىلار بارلىق باعىتتاردا ەركىندىكتىڭ التى ساتىسىن قامتاماسىز ەتەتىن سەنسورلارمەن جابدىقتالعان. ونى كيۋ وتە وڭاي جانە دە ەركىن قوزعالۋعا مۇمكىندىك بەرەدى، قولدانۋشىنىڭ قيمىلىن باقىلايتىن سىرتقى ەلەمەنتتەردى نەمەسە سەنسورلاردى قابىرعاعا ورناتۋدىڭ قاجەتى جوق. قۇرىلعىلاردىڭ ينتەرفەيسىندە ۆيرتۋالدى الەم ورتاسىنا تۇسۋگە مۇمكىندىك بەرەتىن Windows Mixed Reality تەحنولوگياسى جانە جاڭا قوسىمشالار بار. جاقىندا باعدارلاما جاساۋشىلار Windows Mixed Reality جيىنتىعى كومەگىمەن وسىنداي قوسىمشالاردى جاساۋعا مۇمكىندىك الىپ وتىر.

ەندى Windows 10 جاڭا نۇسقاسىندا ويىنداردى تىكەلەي ەفيردە تاراتۋعا مۇمكىندىك بەرەتىن تەحنولوگيا ورناتىلعان

Microsoft كورپوراسياسى Xbox-تى Windows 10 جانە Xbox One قۇرىلعىلارىندا ويناۋعا جانە شىعارماشىلىقپەن اينالىسۋعا مۇمكىندىك بەرەتىن ەڭ ۇزدىك قۇرىلعىعا اينالدىرۋدى كوزدەيدى. ەندى Xbox Live، Xbox Play Anywhere  سەكىلدى باعدارلامالار ارقىلى Xbox-تى جانە دەربەس كومپيۋتەرلەردى (دك) قولداناتىن گەيمەرلەر ءبىر ورتادا بىرىكتىرىلىپ وتىر. ماسەلەن، Xbox Play Anywhere  باعدارلاماسى ارقىلى ويىندى ءبىر رەت ساتىپ الىپ، ونى Xbox One قۇرىلعىسىندا جانە دە Windows 10 ورناتىلعان دەربەس كومپيۋتەردە ويناۋعا بولادى.

Creators Update جاڭارتىلعان نۇسقاسى Xbox One قۇرىلعىسىندا جانە دە Windows 10 ورناتىلعان كومپيۋتەردە ويىن ويناۋ، ءوزارا ارەكەتتەسۋ، اسەرلەرمەن ءبولىسۋ ءۇشىن تالاي مۇمكىندىكتەردى ۇسىنىپ وتىر. ونەرپاز جاندار Beam كومەگىمەن ناقتى ۋاقىت تارتىپتەمەسىندە ويىنداردى بەينە ارقىلى تاراتىپ، توپ مۇشەلەرىمەن ءوزارا ارەكەتتەسە الادى. وسى رەتتە بۇل ءۇشىن قوسىمشا باعدارلامالىق جابدىقتاما نەمەسە جابدىقتى ساتىپ الۋدىڭ قاجەتى جوق، ونىڭ ۇستىنە Beam ارقىلى حابار تاراتقان كەزدە بەينە ءبىر سەكۋندتان از ۋاقىتقا عانا كەشىگۋى مۇمكىن. ەندى Beam ارقاسىندا ويىنداردىڭ ترانسلياسياسىن كورىپ قاناي قويماي، سونداي-اق، توپتاعى مۇشەلەرمەن، ستريمەرلەرمەن جاڭا دەڭگەيدە ءوزارا ارەكەتتەسىپ، قارىم-قاتىناس قۇرۋعا، ويىنعا اتسالىسۋعا بولادى.

Windows 10 ويىن رەجىمى اياسىندا ويىن ويناۋعا ۇلكەن قور كولەمى بولىنەتىندىكتەن، Windows 10 جۇيەسى ورناتىلعان كومپيۋتەرلەردە ويناۋ ءۇشىن شەكسىز مۇمكىندىكتەر پايدا بولىپ وتىر. «ويىن رەجىمىن» قوسقان كەزدە، ءسىز ونى كەز كەلگەن ويىندا قولدانا الاسىز. Xbox One-نىڭ تۋرا وسىنداي جاڭا نۇسقاسى مەن فۋنكسيالارى جونىندە مىنا جەردەن بىلۋگە بولادى .

Microsoft Edge: عالامتوردى پاراقتاۋ جانە ويىن-ساۋىققا ارنالعان جاڭا فۋنكسيالار Microsoft Edge كىتاپ وقۋ كەزىندە تاڭداۋ بىردەن تۇسەتىن Windows دۇكەنىندەگى بىردەن-بىر براۋزەرگە اينالىپ وتىر. قازىرگى تاڭدا عالامتوردا قاۋىپسىزدىككە نۇقسان كەلتىرەتىن قاتەرلەر سانى وراسان زور. Microsoft Edge Chrome** براۋزەرىمەن سالىستىرعاندا، فيشينگتىك سايتتارعا 9%-عا جانە زارارلى باعدارلامالىق جابدىقتامالارعا (بج) 13%-عا كوبىرەك توسقاۋىل جاساپ، وسىلايشا قولدانۋشىلاردىڭ جەكە مالىمەتتەرى مەن اقپاراتتارىن قورعاۋعا كومەكتەسۋدە. Google كومپانياسىنىڭ ءوزىنىڭ وتكىزگەن تەستىلەۋ ناتيجەلەرىنە سايكەس Microsoft Edge براۋزەرى Chrome-عا*** قاراعاندا جىلدامىراق جۇمىس جاسايدى. قولدانۋشىلار وزدەرى جۇمىس جاساپ وتىرعان بەتتى جاپپاستان، ساقتاپ قويىلعان قوسىمشا بەتتەردى تابۋعا، اشۋعا، ولاردى رەتتەي الۋى ءۇشىن Creators Update جاڭا نۇسقاسىندا قوسىمشا بەتتەردى باسقارۋ مۇمكىندىكتەرى جاقسارتىلىپ وتىر.

تولىق اقپارات:

Windows 10 Creators Update نۇسقاسىندا قولدانۋشىلاردىڭ ءوتىنىشى بويىنشا مىناداي كوپتەگەن مۇمكىندىكتەر مەن فۋنكسيالار پايدا بولدى:

• تۇنگى رەجىمى (night light) ەكران شىعاراتىن كوكشىل ساۋلەنىڭ كولەمىن ازايتادى، بۇل جاقسىراق ۇيىقتاۋعا مۇمكىندىك بەرەدى، ياعني تۇنگى رەجىمدە جۇمىس جاساعان جاعدايدا، ميدىڭ تۇندە  تىنىعۋى جاقسارادى. سمارتفوندى قولدانۋشىلار وسى فۋنكسيانى ۇناتاتىندىقتان، ەندى ول Creators Update نۇسقاسى بار Windows 10  جۇيەسىندە دە پايدا بولىپ وتىر.
• شاعىن تەرەزە رەجىمى (mini view) قولدانىستاعى تەرەزەلەردىڭ ۇستىنە شاعىن تەرەزەنى قويۋعا مۇمكىندىك بەرەدى، ونىڭ ارقاسىندا، ماسەلەن، ءسىز ءدال ءقازىر قانداي ىسپەن اينالىسىپ جاتقانىڭىزعا قاراماستان، ونىمەن قاتار سەريالدى كورۋگە، Skype ارقىلى سويلەسۋگە نەمەسە مۋزىكانىڭ وينالۋىن باسقارۋعا بولادى.

Windows 10 Creators Update جاڭارتىلعان نۇسقاسى ارقاسىندا اتا-انالار ەكران الدىندا وتكىزىلەتىن ۋاقىتتى شەكتەۋ فۋنكسياسىن ەندى Xbox One-دا دا قولدانا الادى، بۇل فۋنكسيا وسىعان دەيىن Windows 10-دا قولدانىلىپ كەلدى. ول بالانىڭ كومپيۋتەر نەمەسە كونسول الدىندا وتكىزەتىن ۋاقىت مولشەرىن باسقارۋعا مۇمكىندىك بەرەدى. ەكران الدىندا وتكىزىلەتىن ۋاقىتتى شەكتەۋ فۋنكسياسى ارقاسىندا اتا-انالار ءاربىر بالا ءۇشىن كۇندىزگى نورمانى بەلگىلەي الادى، ال Xbox نەمەسە Windows 10 ورناتىلعان كومپيۋتەر سول ۋاقىت مولشەرى بىتكەن سوڭ ويىندى اۆتوماتتى تۇردە ءوشىرىپ تاستايدى. سونداي-اق، ءاربىر بالا اپتا سايىن ويىنعا قانشا ۋاقىت جۇمسايتىنىن كورسەتەتىن ەسەپتى Windows 10 جۇيەسىندە الۋعا بولادى. account.microsoft.com/family سىلتەمەسى ارقىلىپ ءوتىپ، قاجەتتى باپتاۋلاردى ورناتۋىڭىزعا بولادى.

Windows Hello  «بىر-بىرىمەن بىرىكتىرىلگەن» كەز كەلگەن iPhone، Android نەمەسە Windows Phone-دى قولدانا وتىرىپ،  قولدانۋشىنىڭ كومپيۋتەردى نەمەسە پلانشەتتى قولدانبايتىن كەزىن انىقتاپ، قۇرىلعىنى اۆتوماتتى تۇردە سوندىرۋگە مۇمكىندىك بەرەدى. وسىلايشا قۇپيالىقتى قوسىمشا قورعاۋعا بولادى. «Remote lock» فۋنكسياسى سمارتفوندارمەن، فيتنەس-بىلەزىكتەرمەن، دك-مەن نەمەسە پلانشەتپەن بىرىكتىرىلگەن كەز كەلگەن قۇرىلعىدا جۇمىس جاساي الادى.

قاۋىپسىزدىك پەن قۇپيالىقتى ساقتاۋ مۇمكىندىكتەرى كەڭەيتىلدى

كومپانيالار مەن جەكە قولدانۋشىلار وزدەرىن قورعاۋ ءۇشىن قوسىمشا مۇمكىندىكتەردى قاجەت ەتۋدە: قاۋىپسىزدىك سالاسىنداعى ساراپشىلار زارارلى بج جانە بوپسالاۋشى باعدارلامالاردىڭ جەلىدە كەڭ تارالىپ، ال ولارعا قارسى كۇرەسۋ جانە ىزىنە ءتۇسۋ قيىنداپ بارا جاتقانىن  ايتۋدا.

Creators Update جاڭارتىلعان نۇقاسىندا قاۋىپسىزدىككە مونيتورينگ جۇرگىزۋ ءۇشىن Windows Defender (Windows Defender Security Center) اتتى جاڭا قاۋىپسىزدىك ورتالىعى پايدا بولادى. ءبىرىڭعاي باسقارۋ پانەلى انتيۆيرۋس، فايەرۆول، جەلىنى قورعاۋدان باستاپ، قۇرىلعىنىڭ حال-احۋالى مەن جۇمىس ونىمدىلىگىن باعالاۋ، قوسىمشالار مەن براۋزەردىڭ قاۋىپسىزدىگىن باسقارۋ، وتباسىلىق قاۋىپىزدىك فۋنكسيالارىن باسقارۋعا دەيىنگى بۇكىل قاۋىپسىزدىك قىزمەتتەرىن ءبىر ەكران بەتىندە باقىلاۋعا مۇمكىندىك بەرمەك. سونداي-اق، Creators Update نۇسقاسىندا كورپوراتيۆتىك كليەنتتەرگە ارناپ جاڭا قۇرالدار مەن مۇمكىندىكتەر تۇراقتى تۇردە پايدا بولىپ وتىرادى، ولار اقپاراتتىق تەحنولوگيالار ءبولىمىنىڭ جۇمىسىن جەڭىلدەتىپ، جاڭا بج-نى ەندىرۋدى وڭايلاتۋعا، Windows 10 جۇيەسى ارقىلى قۇرىلعىلاردى باسقارىپ، قولدانۋعا، قاۋىپسىزدىككە ءتونۋى مۇمكىن قاتەرلەردى جەڭۋگە كومەكتەسەدى. 11 ساۋىردەن باستاپ  Creators Update نۇسقاسى Windows جاڭارتۋ ورتالىعى ارقىلى تاراتىلا باستايدى. قولدانۋشىلار جاڭا مۇمكىندىكتەرگە ەڭ ابزال تۇردە قول جەتكىزۋى ءۇشىن Creators Update كەزەكتىلىكتى ساقتاي وتىرىپ، بىرتىندەپ ورناتىلاتىن بولادى.