قازاقستان ساياساتكەرى ەرلان سايروۆ ءانشى ديماش قۇدايبەرگەنگە الەم بەيبىتشىلىگىنىڭ ەلشىسى اتاعىن بەرۋ جونىندە ماسەلە كوتەرۋ كەرەك دەپ ءوزىنىڭ فەيسبۋك پاراقشاسىندا جازعان بولاتىن.

«ۇلتتىق ەلشى. ديماشقا الەم بەيبىتشىلىگىنىڭ ەلشىسى اتاعىن بەرۋدى ۇسىنامىن. كىم قولدايدى؟» دەپ جازعان ساياساتكەر پاراقشاسىنا.

ەسكە سالا كەتەيىك، ديماش قۇدايبەرگەن قىتايدا ءوتىپ جاتقان  I am singer بايقاۋىندا باعىن سىناپ، بىرنەشە تۋردان سۇرىنبەي ءوتىپ، فينالعا دەيىن جەتكەن. ونىڭ كورسەتكەن ونەرىنە، تالانىتنا تەك جۇڭگو عانا ەمەس، بار الەم كۋا بولدى، تاڭدانىسپەن قارادى. الەمگە ايگىلى تۇلعالار ديماش ارقىلى قازاقستان مادەنيەتىن كورە الدى. ءوز ەلىمىزدىڭ ازاماتتارى ديماشتى قازاق بۇلب ۇلى دەپ باعالادى، انشىمەن ماقتاندى.

سونداي-اق، استانادا وتەتىن ەكسپو-2017 كورمەسى قارساڭىندا ديماش قۇدايبەرگەننىڭ جەكە كونسەرتى وتەدى. مادەنيەت جانە سپورت ءمينيسترى ارىستانبەك مۇحامەدي ۇلىنىڭ حابارلاۋىنشا، ديماش استانادا لارا فابيانمەن جانە باسقا دا رەسەيلىك انشىلەرمەن دۋەت ورىندايتىن بولادى.