2017 جىلعى 31 ناۋرىزدا قازاقستاننىڭ سينگاپۋردىعى ەلشىسى ۇسەن سۇلەيمەننىڭ سينگاپۋردىڭ ءىرى كومپانيالاردىڭ وكىلدەرى ءۇشىن بيلىكتى ءبولۋ تۋرالى كونستيتۋسيالىق رەفورمالار مەن مەملەكەت باسشىسى نۇرسۇلتان نازاربايەۆ ۇسىنعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ نەگىزگى قاعيدالارى تۋرالى بريفينگ ۇيىمداستىرىلدى.

ءىس-شارا 2017 جىلعى ءساۋىر ايىنا كوزدەلگەن الماتى قالاسىنىڭ ساۋدا-ەكونوميكالىق الەۋەتىمەن تانىسۋ جانە بيزنەس وكىلدەرىمەن ىنتىماقتاستىقتى ورناتۋ ماقساتىندا سينگاپۋردىڭ ساۋدا جانە ءوندىرىس جونىندەگى مەملەكەتتىك ءمينيسترى كو پو كۋن باستاعان سينگاپۋرلىق دەلەگاسيانىڭ، ونىڭ قۇرامىنداعى ءىرى بيزنەس وكىلدەرىنىڭ ساپارىنا باعىتتالعان. سونىمەن قاتار، اتالعان ساپار بارىسىندا الماتى قالاسىنىڭ اكىمدىگىنىڭ قولداۋىمەن قازاقستاندىق-سينگاپۋرلىق بيزنەس فورۋمىنىڭ ۇيىمداستىرىلۋى جوسپارلانۋدا.

بريفينگ بارىسىندا ءۇ. سۇلەيمەن ەلباسى ن. نازاربايەۆتىڭ جۇيەلى ساياساتىنىڭ ارقاسىندا قازاقستان تاۋەلسىزدىگىنىڭ 25 جىلدىق كەزەڭى ىشىندە ەكونوميكاسى مەن ساياسي جۇيەسى مىقتى جانە بەرەكەلى ءارى كوپ ۇلتتى قوعام رەتىندە قالىپتاسقانىن جانە الەمنىڭ 50 ۇزدىك ەلدەر قاتارىنا كىرۋگە مۇمكىندىك بەرگەنىن جەتكىزدى.

ەلشى پرەزيدەنت ن. نازاربايەۆ ۇسىنعان كونستيتۋسيالىق رەفورمالار مەملەكەتتىڭ ساۋدا-ەكونوميكالىق الەۋەتىن نىعايتۋ جولىندا جانە ەلدىڭ ەكونوميكالىق دامۋىنىنىڭ بولاشاعى مەن ينۆەستيسيالىق قىزىعۋشىلىعىن ارتتىرۋعا ايتارلىقتاي سەرپىن بەرە الاتىنىن باسا ايتتى.

سونىمەن قاتار، بريفينگ شەڭبەرىندە ءۇ. سۇلەيمەن سينگاپۋرلىق بيزنەس توپاتارىن قازاقستاننىڭ ينفراقۇرىلىمدىق جوبالاردىڭ، اسىرەسە، «نۇرلى جول» جاڭا ەكونوميكالىق ساياساتىن جۇزەگە اسىرۋ شەڭبەرىندە، وعان قوسا، ءوزارا ساۋدانى ىسكە اسىرۋ ماقساتىندا، قازاقستان ستراتەگيالىق ءرول وينايتىن «جىبەك جولى ەكونونوميكالىق بەلدەۋ» جوباسىنىڭ مۇمكىندىكتەرىن پايدالانا وتىرىپ، ليانيۋنگان پورتىنداعى قازاقستاندىق-قىتايلىق تەرمينالىنىڭ مۇمكىندىكتەرىن زەرتتەۋگە شاقىردى.