ودنوين باقىت 1953 جىلى سەنگەل بايان-ولكە ايماعىندا دۇنيەگە كەلگەن. 2006 جىلى موڭعوليانىڭ ەڭبەك سىڭىرگەن سپورتشىسى اتاعىن يەلەنگەن. سونىمەن بىرگە موڭعوليا ۇلتتىق وليمپيادالىق كوميتەتىنىڭ  “التان وچير” مەن “وليمپيين الدار” وردەندەرىمەن ماراپاتتالعان.

1981 جىلى ناادامداعى بەس بىردەي جەڭىستەن كەيىن «مەملەكەت سۇڭقارى» اتاعىن الدى.

ناادام ۇلتتىق مەيرامىندا 512 دەن  1024-بالۋانعا دەيىن كۇرەسەدى. جۇپ بولىپ كۇرەسىپ، جەڭىلگەندەر جارىستان شىعىپ وتىرادى. ءار دەڭگەيدەن وتكەن سايىن ارنايى ماراپاتقا يە بولادى.

«ناچين»- «سۇڭقار» - بەس تۋر بويىنشا جەڭىسكە جەتسە؛

«حارساگا»- «قارشىعا» - التى تۋرداعى جەڭىس ءۇشىن؛

«زاان»- «ءپىل» - جەتى تۋرداعى جەڭىس ءۇشىن؛

«گارد»- «قاسيەتتى قۇس» - سەگىز  تۋر بويىنشا جەڭىسكە جەتسە؛

«ارسلان»- «ارىستان» - توعىس تۋر بويىنشا؛

«اۆارگا»- «بايتەرەك» ون تۋر بويى جەڭىسكە جەتۋ ءۇشىن بەرىلەدى؛

 1024 بالۋان كۇرەسەتىن سوڭعى تۋردا جەڭىسكە جەتكەن ادام وسى مارتەبەگە يە بولماق.

بۇگىندە و.باقىت حالىقتىڭ سۇيىكتى قاھارمانىنا اينالىپ «بااگيي» اتاندى.

و.باقىت ۇلان-باتىرداعى قۇرىلىس كوللەدجىندە ءبىلىم العان. مەكتەپ ۋاقىتىندا ۆولەيبول كومانداسىندا ويناپ، دزيۋدو باپكەرى ونىڭ نەگىزىگى رۋحاني جاتتىقتىرۋشىسىنا اينالعان. ول سپورت ماستەرى جانە ونىڭ لاقاپ اتى «بۋرىل» بولعان. 

جاتتىقتىرۋشىسى بۋرىل گانسۋح وعان ۆولەيبولدان گورى كۇرەسكە بارۋدى ۇسىنعان. بۇگىندە بالۋان ءوزىنىڭ تالىمگەرىنىڭ سوزدەرىن قۋانىشپەن ەسكە الادى.

1978-دەن 1986جىلدار ارالىعىندا باحىت موڭعوليا ۇلتتىق رەسپۋبليكاسى قۇراماسىندا كۇرەسكەن. سول جىلدارى ماسكەۋ جازعى وليمپياداسىندا  100 كگ-نان جوعارى سالماقتاعى جارىسقا قاتىسقان. 1981 جىلى الەم كۋبوگىندا ەركىن كۇرەس بويىنشا  قولا مەدالىن جەڭىپ الدى.

و.باقىتتىڭ ۇلى دا بالۋان. ازياداعى موڭعول كۇرەسى بويىنشا ءۇش دۇركىن قولا مەدالىنىڭ جەڭىمپازى.

و.باقىت- كوپتەگەن بالۋانداردىڭ تالىمگەرى، ۇستازى. سونىمەن بىرگە، ەتنيكالىق قازاقتارعا دا باۋلۋشى.

ءدال وسى باحىتتىڭ ارقاسىندا بايان ولكە ايماعىنىڭ ءوزىنىڭ «ءبوحيين ديەۆجەە»ء-سى بار(بالۋاندار كلۋبى).

بۇل كلۋبتىڭ  باسشىسى سول ايماقتىڭ ارىستانى ح.ايدوس جانە بۇل كلۋب مۇشەلەرى اراسىندا سۇڭقار ب.بااتارسول، ح.اسەن، مامبەت، ءنيامحۇۇ جانە تىلەۋحان ەسىمدى ارىستاندار بار.