قازاقستاندىق ماكسيم ارىشيەۆ سانكت-پەتەربۋرگ مەتروسىندا بولعان جويقىن جارىلىستا كوز جۇمدى. 20 جاستاعى ماكسيم سانكت-پەتەربۋرگ مەملەكەتتىك ەكونوميكالىق ۋنيۆەرسيتەتىنىڭ 3 كۋرسىندا وقىعان.  
ماكسيم ارىشيەۆتىڭ تۋىستارى مارقۇمنىڭ دەنەسىن تانىدى. بۇل رەتتە باس كونسۋلدىق تاراپىنان سانكت-پەتەربۋرگ قالاسىنىڭ اكىمشىلىگى، قۇقىق قورعاۋ ورگاندارى بىرلەسىپ ماكسيم ارىشيەۆتىڭ تۋىسقاندارىنىڭ جارىلىس قۇربانىنىڭ دەنەسىن ايعاقتاۋعا بارۋى ۇيىمداستىرىلدى. 
ايتا كەتەيىك، سانكت-پەتەربۋرگ مەتروسىنداعى جارىلىس 3 ءساۋىر كۇنى «سەننايا پلوششاد» جانە «تەحنولوگيالىق ۋنيۆەرسيتەت» ستانسيالارىنىڭ اراسىندا ءجۇرىپ بارا جاتقاندا بولعان. سوڭعى مالىمەتتەرگە ساي، جارىلىس سالدارىنان 14 ادام قازا تاۋىپ، 51 ادام جاراقات العان.

ەستەرىڭىزگە سالا كەتەيىك، رەسەيدىڭ ب ا ق وكىلدەرى قازاقستاندىق سۋتدەنتتى جانكەشتى لاڭكەس بولۋى مۇمكىن دەگەن بولجام جاساعان.