پوليسەي قىزمەتكەرلەرى قايعىلى وقيعاعا قاتىستى تەرگەۋ جۇمىستارىن جۇرگىزدى. ناتيجەسىندە، بالانىڭ ولىمىنە بايلانىستى كۋاگەرلەر تابىلمادى.

بۇل تۋرالى informburo.kz جاڭالىقتارى حابارلايدى.

5 جاستاعى بالانىڭ ءمايىتىن كورشىلەرى سۋعا تولىپ تۇرعان تۇندىرعىشتىڭ ىشىنەن تاپتى. توتەنشە جاعداي اقمولا وبلىسىنداعى سەلينوگراد اۋدانى ۆوزدۆيجەنكا اۋىلىندا 3 ءساۋىر كۇنى ورىن العان. پوليسەي قىزمەتكەرلەرىنە حابار ساعات تۇنگى 22.06-دا كەلىپ تۇسكەن.

«2011 جىلعى بالانىڭ تۇندىرعىشتان ءولى دەنەسى تابىلعانى جايىندا حابار كەلىپ ءتۇستى. بالا دوپ ويناپ ءجۇرىپ، اياق استى جوعالىپ كەتكەن. الايدا، اتا-اناسى پوليسياعا حابارلاماي ءوز بەتتەرىنشە ىزدەۋگە كىرىسكەن. ىزدەۋ جۇمىستارىنا كورشىلەرى دە ارالاستى. ءبىر كورشىسى ساعات 21.40 شاماسىندا سۋعا تولى تۇندارعىشتان بالانىڭ ءمايىتىن تاۋىپ العان»، دەيدى اقمولا وبلىستىق ءىىد وكىلى گۇلنار پينچۋك.

بالا باتىپ كەتكەن ءتۇندىرعىش بىرنەشە ۋاقىت بويى قولدانىلماعان. جەردىڭ قوجايىنى ونى كەلەسى جىلى پايدالانباق بولعان، الايدا، قۇدىقتىڭ بەتى اشىق قالعان. سۋ كولەمى 1،8 مەترگە دەيىن جەتىپ قالعان تۇندىرعىشتان بالانى قۇتقارۋ مۇمكىن بولمادى.

بالانىڭ قۇدىققا قۇلاعانىن كورگەن ءبىر دە ءبىر كۋاگەر بولماعان. سونداي-اق، قۇدىقتان بالانىڭ دوبى دا تابىلعان. سوعان قاراعاندا، بالا قۇدىققا ءتۇسىپ كەتكەن دوپتى الماق بولىپ قۇلاپ تۇسكەن دەيدى تۇرعىندار.

بالانىڭ دەنەسى ءمايىتحاناعا جىبەرىلدى. وتباسىندا قايتىس بولعان ماراتتان بولەك ۇلكەن ۇلى بار.

بۇگىندە قۇدىق سالىنعان جەرگە بايلانىستى تەرگەۋ جۇمىستارى جۇرگىزىلىپ جاتىر.