100 ناقتى قادام – ۇلت جوسپارىنىڭ بەس ينستيتۋسيونالدىق رەفورماسىن جۇزەگە اسىرۋ بويىنشا اۋىل شارۋاشىلىعىن دامىتۋعا باعىتتالعان شارالار قاراستىرىلعان.  ينۆەستيسيالىق كليماتتى جاقسارتۋ ماقساتىندا ق ر اۋىل شارۋاشىلىعى مينيسترلىگى تاراپىنان  ترانسۇلتتىق كومپانيالاردىڭ قاتىسۋىمەن قازاقستاننىڭ ەكسپورتتىق تاۋارلارىن الەمدىك نارىققا شىعارۋعا باعىتتالعان جوبالاردى جاساۋ جۇمىستارى جۇرگىزىلۋدە.

بۇگىنگى تاڭدا ترانۇلتتىق كومپانيالاردىڭ قاتىسۋىمەن 4 جوبا تاڭداپ الىندى. بۇل جوبالار ەت، ءسۇت ونىمدەرىن ءوندىرۋ جانە قايتا وڭدەۋ جانە وسىمدىك شارۋاشىلىعى (قىزاناق پاستاسىن ءوندىرۋ) سالاسىندا جۇزەگە اسىرىلۋدا. ترانسۇلتتىق كومپانيالاردان باسقا، اوك سالاسىندا شەتەلدىك ينۆەستورلاردىڭ قاتىسۋىمەن 40-قا جۋىق جوبالار بار. ينۆەستورلار باسىم بولىگى رف، گەرمانيا، تۇركيا، ۋكراينا، وڭتۇستىك كورەيا جانە قحر، فرانسيا مەملەكەتتەرىنەن.

جالپى، مەمەلەكەتتىك باعدارلاما بويىنشا وتاندىق تاۋاردىڭ ەكسپورتتىق الەۋەتىن ارتتىرۋ جانە ىشكى نارىقتى تولىقتىرۋ قاراستىرىلعان. 2021 جىلعا قاراي ەكسپورت كولەمىن 0،8-دەن 1،5 ملرد. دوللارعا ارتتىرۋ قاراستىرىلعان.

ا.مىرزاحمەتوۆ قازاقستانعا شەت مەملەكەتتەرمەن ىسكەرلىك قاتىناستى دامىتۋ  جانە نىعايتۋ  مۇمكىندىگىگىن بەرەتىن ستراتەگيالىق قۇجاتتاردىڭ ماڭىزدىلىعىن ايتىپ، ەلشىلەر قويعان ساۋالدارعا كەڭىنەن جاۋاپ بەردى.

ايتا كەتەيىك،  ازىق – تۇلىك تاۋارلارىنىڭ ەكسپورتىن  2021 جىلعا دەيىن 40%-عا ارتتىرۋ ءۇشىن ءار جىلعا ارنالعان ناقتى  ينديكاتورلار بەلگىلەندى. (استىك 649-دان 715 ملن.دوللار، ۇن 344-تەن 414 ملن. دوللار، مايلى داقىلدار 111-دەن 383 ملن. دوللار، وسىمدىك مايى 40-تان 340 ملن. دوللار، سيىر ەتى 16-دان 193 ملن. دوللار، قوي ەتى 0،3-تەن 30 ملن. دوللارعاارتتىرۋ). اعىمداعى جىلى ۇن 344-تەن 399 ملن. دوللارعا، مايلى داقىلدار 111-دەن 175 ملن. دوللارعا، وسىمدىك مايىن 39،5-تەن 118 ملن. دوللارعا، سيىر ەتىن 16-دان 55 ملن.دوللارعا ارتتىرۋ جوسپارلانۋدا.