بۇگىن جامبىل وبلىسى وڭىرلىك كوممۋنيكاسيالار قىزمەتىندە «مىندەتتى الەۋمەتتىك مەديسينالىق ساقتاندىرۋدى ەنگىزۋ» تاقىرىبىندا بريفينگ ءوتتى دەپ حابارلايدى "قامشى" اقپاراتتىق اگەنتتىگى.

بريفينگكە سپيكەر بولىپ جامبىل وبلىسى اكىمدىگى دەنساۋلىق ساقتاۋ باسقارماسى باسشىسىنىڭ ورىنباسارى مارات جۇمانقۇلوۆ جانە مەديسينالىق قىزمەتكە اقى تولەۋ كوميتەتىنىڭ جامبىل وبلىسى بويىنشا دەپارتامەنتى باسشىسىنىڭ مىندەتىن اتقارۋشىسى قارلىعاش قۇرمانالييەۆا قاتىسىپ، ءوز باياندامالارىمەن تولىق تانىستىرىپ، ب ا ق وكىلدەرىنىڭ سۇراقتارىنا دا ايتارلىقتاي جاۋاپ قايتاردى.

مارات سەيتبەك ۇلىنىڭ سوزىنە سۇيەنسەك، مىندەتتى الەۋمەتتىك مەديسينالىق ساقتاندىرۋ جۇيەسىن ەنگىزۋ جۇمىستارى باستالعالى بەرى وبلىس كولەمىندە ءبىرشاما جۇمىستار اتقارىلدى.

«100 ناقتى قادام: بارشاعا بىردەي قازىرگى زامانعى مەملەكەت» ۇلت جوسپارىنىڭ 80 قادامىن ىسكە اسىرۋ ماقساتىندا وبلىس اكىمدىگىنىڭ قاۋلىسىمەن «100 ناقتى قادام «ۇلت جوسپارىن» دەنساۋلىق ساقتاۋ سالاسى جانە الەۋمەتتىك دامۋ سالاسىندا ءتۇسىندىرۋ جونىندەگى شتاب قۇرىلدى.

شتاب مۇشەلەرى بارلىق اۋدانداردا تۇرعىندارمەن كەزدەسۋ وتكىزىپ، ءتۇسىندىرۋ جۇمىستارىن جۇرگىزدى.

مىندەتتى الەۋمەتتىك مەديسينالىق ساقتاندىرۋ جۇيەسىن اقپاراتتىق-ناسيحاتتاۋ جۇمىستارىن جۇرگىزۋدىڭ 2ء-شى كەزەڭى بارىسىندا 237 كەزدەسۋ وتكىزىلىپ، 57 مىڭداي ادام قامتىلدى. باق-تا 26 ماقالا جاريالانىپ، جەرگىلىكتى تەلەارنادا ءتيىستى اقپاراتتار جۇرگىزىلۋدە.

            تاراز قالاسىنىڭ ورتالىق كوشەلەرىندە مىندەتتى الەۋمەتتىك مەديسينالىق ساقتاندىرۋ جۇيەسىنىڭ باسىم باعىتتارى كورسەتىلگەن – 6، اۋدانداردا – 6، بارلىعى – 12 بيلبورد ورنالاستىرىلدى.

تۇرعىندارعا Call-ورتالىق ارقىلى ساقتاندىرۋ جۇيەسى تۋرالى بارلىق سۇراقتارىنا جاۋاپ الۋ مۇمكىنشىلىگى ۇيىمداستىرىلدى.

2016 جىلى وڭىرلىك Call-ورتالىعىنا 3409 ءوتىنىش تۇسكەن، ونىڭ ىشىندە 21 ءوتىنىش مىندەتتى الەۋمەتتىك ساقتاندىرۋ جۇيەسىنە قاتىستى سۇراقتار بولدى.

2016 جىلى جەرگىلىكتى بيۋدجەت ەسەبىنەن 5،5 ملن. تەڭگە ءبولىنىپ، 292 دەنساۋلىق ساقتاۋ ۇيىمدارىنىڭ باسشىلارى، ورىنباسارلارى مەن باس ەسەپشىلەرى مىندەتتى الەۋمەتتىك ساقتاندىرۋ جۇيەسى تۋرالى وقىتىلدى، - دەپ مالىمدەدى باسقارما ورىنباسارى مارات جۇمانقۇلوۆ.