اقمولا وبلىسىنىڭ ساندىقتاۋ اۋدانىندا كالگاري ق. XV  وليمپيادا ويىندارىنىڭ كۇمىس جۇلدەگەرى ۆلاديمير ساحنوۆتىڭ قۇرمەتىنە ءداستۇرلى «اق مارافون» ءوتتى – دەپ حابارلايدى "قامشى" اقپاراتتىق اگەنتتىگى اقمولا وبلىسىنىڭ وڭىرلىك كوممۋنيكاسيالار قىزمەتى حابارلايدى.

جۇگىرۋ جىل سايىن  تانىمالدىلىعىن ارتتىرۋدا، بيىلعى جىلى جارىسقا قاتىسۋشىلاردىڭ سانى الدىڭعى جىلدارعا قاراعاندا ارتتى: جارىسقا 5 – تەن 50 كم دەيىن ءار ءتۇرلى جاستاعى ءۇش جۇزدەن استام سپورتشىلار قاتىستى.

شاڭعى سپورتىنىڭ اۋەسقويلارى جانە بەلسەندىلەرى اقمولا، قاراعاندى، قوستاناي، سولتۇستىك-قازاقستان، شىعىس قازاقستان، اقتوبە جانە پاۆلودار وبلىستارىنان  كەلدى. 

اقمولا وبلىسىنىڭ ساندىقتاۋ اۋدانىنىڭ سپورتشىلارى جاقسى ناتيجە كورسەتتى. 30 كيلومەتر قاشىقتىقتا ءبىرىنشى ورىندى رومان ەرەمين يەلەندى،  20 كيلومەتر قاشىقتىقتا ولگا ماندريكا، 10 كيلومەتردە گۇلسينا كاديروۆا  «التىن» يەلەندى.  ۆلاديمير ەرەمين 10 كيلومەتر قاشىقتىقتا چەمپيون اتاندى.

ەريك شەفەر مەن ليۋبوۆ ونيششەنكو كوماندا بويىنشا جولداستارىنىڭ جەتىستىكتەرىن قايتالادى. ەكى سپورتشى 5 كيلومەتر قاشىقتىقتا وزدەرىنىڭ جۇلدەلەرىن الدى.