4 ساۋىردە سيريانىڭ سولتۇستىك-باتىسىنداعى يدليب پروۆينسياسىنىڭ كوتەرىلىسشىلەر باقىلايتىن حان-شەيحۋن قالاسىندا حيميالىق شابۋىل سالدارىنان قازا تاپقانداردىڭ سانى 100-گە دەيىن جەتتى – ونىڭ ىشىندە ۇلكەن كىسىلەرمەن قاتار بالالردىڭ سانى جەتەرلىك، دەپ حابارلاعان بولاتىن «قامشى» اقپاراتتىق اگەنتتىگى.
بۇل شابۋىل بالانى اتا-اناسىز، اتا-انانى بالاسىز قالدىرىپ، بىرنەشە ادامنىڭ كوز جاسىنىڭ كول بولۋىنا سەبەپ بولدى. نازارلارىڭىزعا اكەنىڭ شابۋىل سالدارىنان قازا تاپقان بالالارىمەن قوشتاسىپ جاتقان ۆيدەوسىن ۇسىنامىز. اكەنىڭ قايعىسى، كوز جاسى كىمنىڭ بولسا دا جۇرەگىن ەلجىرەتەرى انىق.
ەسكە سالا كەتەيىك، باتىس ەلدەرىنىڭ وكىلدەرى بۇل شابۋىلعا سيرياداعى باشار اسادتىڭ بيلىگى جانە رەسەي مەن يران جاۋاپتى دەپ وتىر. ءبىراق رەسمي ماسكەۋ مەن شام بۇۇ قاۋىپسىزدىك كەڭەسىنىڭ وتىرىسىندا بۇل ايىپتاۋدى تەرىسكە شىعاردى.
