شقو-دا جىنىسىن اۋىستىرعان ەر ادامنىڭ جاڭا ءتولقۇجات الىپ، رەسمي تۇردە ايەلگە اينالعان جاعداي ءبىرىنشى رەت تىركەلىپ وتىر، دەپ حابارلايدى «ەكسپرەسس-ك» باسىلىمى. مالىمەتتىڭ قازاقشا نۇسقاسىن «قامشى» اقپاراتتىق اگەنتتىگى وقىرمان نازارىنا ۇسىنادى.

ەسىمىن ناديا دەپ اتاعان ەر ازاماتتىڭ جاسى 35-تە.

بولاشاق ناديا جاقسى وتباسىدا تاربيەلەنگەن. سپورتقا قىزىعاتىن اكەسى بالاسىن ناعىز ەر ازامات ەتىپ وسىرگىسى كەلگەن. الايدا، ناديانىڭ كوڭىلى كىشكەنتايىنان قىزداردىڭ كويلەگى مەن ويىندار قىزىقتىرعان. كەيىننەن، وسە كەلە ءجاسوسپىرىم ءوزىنىڭ سىرتقى كەلبەتى مەن ىشكى جان دۇنيەسىنىڭ اراسىندا تاڭداۋ جاساي الماي، قاتتى قينالعان ەكەن. ول ءوز ويىن جەڭگىسى كەلىپ قانشا تىرىسسا دا، قولىنان تۇك كەلمەپتى.

ەر ادام، ءتىپتى، ۇيلەنىپ تە كورگەن، الايدا مۇنىڭ دا پايداسى اسا كوپ تيە قويماعان. تانىستارى وعان مەديسينالىق كومەككە جۇگىنۋگە كەڭەس بەرگەن. ول ماسكەۋلىك عىلىمي پسيحياتريالىق ورتالىققا بارىپ، تەكسەرىلگەن، ءبىراق وعان پسيحيكالىق اۋرۋى جوق، گوموسەكسۋالدىقتىڭ بەلگىلەرى بار دەگەن دياگنوز قويادى.

كەيىننەن بولاشاق ناديا ءتۇرلى گورمونداردى قابىلداپ، قىزعا ۇقساي باستايدى. ەر ادامنىڭ سىرت كەلبەتى ايەلگە ۇقساعانىمەن، ول حيرۋرگيالىق كومەكتەن باس تارتقان.

وسى ساتتەن باستاپ ايەلگە اينالعان ەركەكتىڭ ءومىرى ناعىز توزاققا اينالادى. جىنىسىن اۋىستىرۋ وتاسى جاسالماعاندىقتان، وعان ايەل ادامنىڭ قۇجاتى مەن ەسىمىن بەرمەي قويعان.

سول ساتتە ناديا سوتقا جۇگىنگەن، ونىڭ ءىسى اننا لەنىح ەسىمدى ادۆوكاتتى قىزىقتىرىپ، ەشكىم دە ادامدى وتا جاساۋعا كۇشتەپ مىندەتتەي المايتىندىعىن دالەلدەپ شىققان. بۇل دەنساۋلىق ساقتاۋ مينيسترلىگىنىڭ زاڭىنا سايكەس بولعانىمەن، ق ر كونستيتۋسيالىق زاڭىنا قارسى بولىپ وتىر. ناديا مەن ونىڭ قورعاۋشىسى الماتىداعى مىقتى پسيحياتردىڭ كومەگىنە جۇگىنىپ، اقىر سوڭىندا ەشبىر وتاسىز ءوزىن باسقا جىنىسقا اۋىستىرۋعا بولاتىندىعىن دالەلدەپ شىققان. وسىنىڭ ارقاسىندا، ناديا جاڭا ءتولقۇجات الىپ، باسقا دا قۇجاتتارىن اۋىستىرۋ ۇستىندە.

اۋدارعان: نازەركە لابيحان