ەت پەن شايسىز ءومىر سۇرە المايتىن قازاق حالقى ءۇشىن وبال بولدى. كۇندەلىكتى قولدانىپ جۇرگەن ازىعى: قويدىڭ ەتى، قارا شاي، ءسۇت ونىمدەرىنىڭ الەۋمەت ءۇشىن ماڭىزى قالماپتى. باعاسى قىمباتتاي ما، الدە باسقا دا جاعداي بولا ما، بيلىك ءوزى شەشە جاتار. ازىرگە قولىمىزداعى اقپاراتتى نازارلارىڭىزعا ۇسىنامىز. 

 5 ساۋىردە قازاقستاندا الەۋمەتتىك ماڭىزى بار ازىق-تۇلىك تاۋارلارىنىڭ تىزبەسىنە وزگەرىس ەنگىزدى. قاۋلى رەسمي باسىلىمدا جاريالاندى، دەپ حابارلايدى «قامشى» اقپاراتتىق اگەنتتىگى.

  «ق ر ۇكىمەتى «الەۋمەتتىك ماڭىزى بار ازىق-تۇلىك تاۋارلارىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 1 ناۋرىزداعى №145 قاۋلىسىنا وزگەرىس ەنگىزۋ تۋرالى قاۋلى ەتەدى» دەلىنگەن قۇجات ماتىنىندە.  

سونىمەن، قۇجاتقا سايكەس، الەۋمەتتىك ماڭىزى بار ازىق-تۇلىك قاتارىنا مىنالار جاتادى:  ءبىرىنشى سورتتى ۇننان جاسالعان بيداي نانى، ءبىرىنشى سورتتى بيداي ۇنى، ماكارون ونىمدەرى: ۆەرميشەل، روجكي، كەسپە، جارمالار: قاراقۇمىق، س ۇلى، ۇنتاق، ارپا جانە تارى؛ تازارتىلعان كۇرىش، كارتوپ، جاڭا پىسكەن كوكونىستەر: اسحانالىق ءسابىز، باستى پياز، اق قاۋداندى قىرىققابات، اسحانالىق قىزىلشا، اق قانت – قۇمشەكەر، كۇنباعىس مايى، سيىر ەتى (ءجاۋىرىن-توس بولىگى، تاۋىق ەتى، تاۋىق سانى ءسۇت: پاستەرلەنگەن، مايلىلىعى 2،5%، ايران: مايلىلىعى 2،5%، سارى ماي: تۇزدالماعان، مايلىلىعى 72،5% كەم ەمەس،تولىقتىرعىشتار جانە وسىمدىك مايلارى جوق، ءى ساناتتى تاۋىق جۇمىرتقاسى، Ac تۇزى («ەكسترا»-دان باسقا)، سۇزبە (5-9% مايلىلىعى). 

ءبۇل تىزىمدە ۆەرميشەل، كەسپە، قاراقۇمىق، س ۇلى، اقتاعان ارپا، ۇنتاق جارما سياقتى جارما تۇرلەرى، اس قىزىلشاسى، سۇيەگى بار قوي ەتى، تاۋىق ەتى، مايلىلىعى 3،2% ءسۇت، ايران، قاتتى مايەك ىرىمشىك، وسىمدىك جانە مايلىلىعى 49 پايىزعا دەيىنگى سارى ماي، II دەڭگەيلى تاۋىق جۇمىرتقاسى جانە تۇيىرشىكتەلگەن قارا شاي جوق. 

قاۋلى العاش رەسمي جاريالانعاننان كەيىن 10 كۇنتىزبەلىك كۇن وتكەننەن كەيىن قولدانىسقا ەنگىزىلەدى.  

ەسكە سالايىق، مۇنىڭ الدىنداعى ءتىزىم ق ر ۇكىمەتىنىڭ 2011 جىلدىڭ 23 قىركۇيەگىندەگى № 1089 قاۋلىسىمەن بەكىتىلگەن بولاتىن.