قازاقستان رەسپۋبليكاسى اقپارات جانە كوممۋنيكاسيالار ءمينيسترى داۋرەن ابايەۆ ۇلىبريتانيا مەن سولتۇستىك يرلانديانىڭ بىرىككەن كورولدىگىنە جۇمىس ساپارى بارىسىندا ۆۆس Worldwide باسشىلارى شون و حارا جانە سەرگەي ستانوۆكينمەن كەزدەستى دەپ حابارلايدى "قامشى" اقپاراتتىق اگەنتتىگى.
تاراپتار ەكىجاقتى ىنتىماقتاستىقتىڭ بولاشاعى مەن بىرلەسكەن جوبالاردى جۇزەگە اسىرۋ مۇمكىندىگىن تالقىلادى.
كەزدەسۋ ناتيجەسىندە قازاقستان رەسپۋبليكاسى اقپارات جانە كوممۋنيكاسيالار مينيسترلىگى مەن ۆۆس Worldwide كورپوراسياسى اراسىنداعى مەموراندۋمعا قول قويىلدى.
مەموراندۋم اياسىندا رەداكسيالىق جوسپارلاردى الماسۋعا باعىتتالعان بىرلەسكەن جوبالاردى ىسكە اسىرۋ، دوڭگەلەك ۇستەلدەر وتكىزۋ، ۇلتتىق جانە ايماقتىق ب ا ق ءۇشىن لەكسيالار ۇيىمداستىرۋ، سونىمەن قاتار قازاقستاننىڭ تۋريستىك جانە ينۆەستيسيالىق الەۋەتىن ىلگەرىلەتۋ جوسپارلانعان.
سونىمەن قاتار، مەموراندۋمدا نەگىزگى باعىتى سيفرلىق ەفيرلىك حابار تاراتۋعا كوشۋ اياسىندا قازاقستاندىق تەلەارنالاردىڭ تەحنيكالىق دامۋى بويىنشا بىرلەسكەن كەڭەس بەرۋدى جۇرگىزۋ، اقپارات مەن تاجىريبە الماسۋ بولىپ تابىلاتىن جۇمىس توبىن قۇرۋ قاراستىرىلادى.
انىقتاما رەتىندە: ۆۆس كورپوراسياسى 1920 جىلى قۇرىلعان، قازىرگى تاڭدا ب ا ق سالاسىنداعى جاھاندىق كوشباسشى مەدياكورپوراسيالارىنىڭ ءبىرى بولىپ تابىلادى.
