پەتەربور مەتروسىنىڭ ۆاگونىندا جارىلىس جاساپ قايتىس بولعان تەرروريست اكبارجون دجاليلوۆ 1 ءساۋىر ءوزىنىڭ تۋعان كۇنىندە ۆكونتاكتە الەۋمەت جەلىسىن پايدالانعانى زەرتتەۋ بارىسىندا ءمالىم بولدى.  اككاۋنت ارقىلى دجاليلوۆتىڭ تەرروريستىك توپتارمەن بايلانىسى انىقتالدى. اكبارجون دجاليلوۆتىڭ ەكى اككاۋنتى بولعانى جانە ءبىر اككاۋنتى 2014 جىلدان بەرى قولدانىلماي، ەكىنشى اككاۋنتى بەلسەندى قولدانىستا بولعانى انىق بولىپ وتىر. ءدال وسى اككاۋنت ارقىلى كۇدىكتى ءوزىنىڭ جاقتاستارىمەن حابارلاسىپ وتىرعان. رەسمي دەرەكتەر بويىنشا، اكبارجون دجاليلوۆ رەسەيدە تىيىم سالىنعان يم توپتارىنىڭ قۇرامىندا  سيريا نەمەسە يراك جاعىنان سوعىسقا قاتىسۋى مۇمكىن دەگەن بولجام جاسالىپ وتىر دەپ حابارلايدى "قامشى"  اقپاراتتىق اگەنتتىگى حابارلايدى  izvestia.ru سايتىنا سىلتەمە جاساي وتىرىپ.

تەرروريست الەۋمەتتىك جەلىلەردىڭ بەلسەندى قولدانۋشىسى بولماعانى، جەكە پاراقشاسىندا ءتۇرلى جازبالار مەن سۋرەتتەر جۇكتەمەگەنى، 11 دوسى جانە 5 توپقا تىركەلگەنى ءمالىم بولىپ وتىر. توپتاردىڭ ىشىنەن كوزگە تۇسەتىنى 4،5 مىڭ تىركەلۋشىسى بار TAWBA توبى.

مىڭداعان رەسەيلىكتەر ەكسترەميزدى ناسيحاتتاۋمەن قاتار وففلاين رەجيمدە دە جۇمىس  ىستەيتىن وسى تيپتەس  توپتارعا تىركەلگەن.

اكبارجون دجاليلوۆ رەسەيدە رۇقسات ەتىلمەگەن يم تەرروريستىك توپتىڭ مۇشەسى بولعان. بۇل توپ راديكالدى يسلام ءدىنىن ناسيحاتتاۋ نەگىزىندە رەسەي فەدەراسياسىمەن سوعىس باستالۋ الدىندا تۇر. تەرروريستەردىڭ باستى باعىتى - تىنىش ەلگە قارسى تەرروريستىك ارەكەت جاساۋ بولىپ تابىلادى.

اسكەري ءىس-قيمىلدار ارداگەرى ۆاسيليي پاۆلوۆ : «ورىن العان جاعداي ارنايى قىزمەتكەرلەردى تەكسەرۋ نەمەسە دايىندىق، بارلاۋ بولۋى دا مۇمكىن. كەز كەلگەن شابۋىل تەرروريستەردىڭ ءوز ماقساتتارىنا جەتەتىندىگىن  كورسەتەدى. شابۋىلدىڭ ماقساتىن انىقتاماي-اق، ءبىزدىڭ ەلگە قارسى سوعىستىڭ باستالعانى انىق» دەپ ءوز پىكىرىن ءبىلدىردى.

بۇگىندە قىرعىزستاندا رەسەيدە تىيىم سالىنعان «حيزب ۋت-تاحرير»، «تابليگي دجاماات» سىندى الدىنا ورتالىق ازيادا حاليفات ورنىقتىرۋدى ماقسات تۇتقان ۇيىمدار  اشىق تۇردە جۇمىس ىستەيدى.

ءدىن ىستەرى بويىنشا قىرعىز مەملەكەتتىك اگەنتتىگىنىڭ مالىمەتى بويىنشا، مەملەكەتتە 2000 مەشىت جانە 3000 يمام جۇمىس ىستەيدى. رەسمي تىركەلمەگەن 1000 شاقتى مەشىت بار. سوڭعى كەزدەرى تىركەلمەگەن مەشىتتەردە راديكالدى يسلامنىڭ ۇستانىمدارى جاقسى دامىعان.  جانە بۇل جاعدايعا سيرياداعى جانجالعا قاتىسى بار  قىرعىزستاننىڭ تۇرعىندارى اۋىزدىق بولىپ وتىر. سوڭعى مەملەكەتتىك ۇلتتىق قاۋىپسىزدىك كوميتەتىنىڭ رەسمي دەرەكتەر بويىنشا، سودىرلاردىڭ قاتارىندا 600-دەن استام مەملەكەت ازاماتتارى كۇرەسۋدە.

اۋدارعان: ايگەرىم تاۋباي