باتىرحان شۇكەنوۆ اتىنداعى قوعامدىق قوردىڭ كۇشىمەن 26 ءساۋىر كۇنى مۋزىكالىق تەلەارنالاردان ءانشىنىڭ «ناس يسەلياەت ليۋبوۆ» دەپ اتالاتىن انىنە تۇسىرىلگەن جاڭا كليپ كورسەتىلە باستايدى، دەپ حابارلايدى «قامشى» اقپاراتتىق اگەنتتىگى قازاقپاراتقا سىلەتەمە جاساپ.
«بۇل جاڭا ءان. باتىر دىبىس تىرەگىن سوناۋ 2014 جىلدىڭ تامىزىندا جازعان بولاتىن. باسقا دا اندەرى بولعاندىقتان مۇنىنمەن اينالىسۋعا ۋاقىتى بولماي كەيىنگى ىسىرىپ قويعان ەدى. باتىر ولاردى جيناپ ءجۇردى. انمەن، ارانجيروۆكاسىن، دىبىسىن جازۋمەن ۇزاق جۇمىس ىستەدىك. وتكەن جىلى باستاعان ەدىك، مىنە بيىل ونى تولىقتاي وڭدەپ شىقتىق»، - دەدى قازاقپارات تىلشىسىنە قوردىڭ ديرەكتورى ولجاس بايقانوۆ.
ونىڭ سوزىنە قاراعاندا، كليپتە باتىردىڭ جەكە ارحيۆىنەن، قوردىڭ PR-ديرەكتورى يۋليا ۋگلوۆا مەن كليپ رەجيسسەرى دينا ماحابباتتىڭ قورىنان الىنعان كادرلار پايدالانىلعان. سونىمەن قاتار سۋرەتشىلەر ەكاتەرينا دجەبكو مەن ەلەنا كراۆچۋكتىڭ دە كادرلارى قولدانىلعان. باتىرحان شۇكەنوۆ 2015 جىلدىڭ ءساۋىر ايىنىڭ سوڭعى كۇندەرىندە 53 جاسىندا ومىردەن وزدى.
