وسىدان 7 جىل بۇرىن شىمكەنت قالاسىندا بولعان اۋىر قىلمىس جارتى ساعاتتىڭ ىشىندە شەشىمىن تاپتى دەپ حابارلايدى ainanews.kz باسىلىمى. مالىمەتتىڭ قازاقشا نۇسقاسىن "قامشى" اقپاراتتىق اگەنتتىگى وقىرمان نازارىنا ۇسىنادى.
2010 جىلى شىمكەنت قالاسىنىڭ بانك قىزمەتكەرى 590 ميلليون تەڭگە ۇرلادى دەگەن ايىپپەن حالىقارالىق دەڭگەيدە ىزدەۋگە سالىنعان بولاتىن.وسى ۋاقىتقا دەيىن ول پوليسيا قىزمەتكەرلەرىنەن قاشىپ ءىزىن سۋىتۋ ءۇشىن ۋكراينا، رەسەي، تۇركيا جانە ەۋروپانىڭ باسقا دا قالالارىن پانالاعان.
شىمكەنت قالاسىندا ايەلى جانە ەكى بالاسى قالعان. وسى ۋاقىت ارالىعىندا ول دا، وتباسى دا جوقشىلىقتىڭ نە ەكەنىن بىلمەگەن. ونىڭ قۇجاتىنداعى مورلەر ونىڭ ۇشاق ارقىلى ەل ارالاپ، ساياحات جاساعانىن دالەلدەي تۇسەدى.
ول وتباسىمەن 7 جىلدىڭ ىشىندە ءۇش رەت الماتى قالاسىندا كەزدەسكەن، ءبىراق ءتورتىنشى رەت كەزدەسۋ ول ويلاعانداي ءساتتى اياقتالمادى. قازاقستاننىڭ شەكاراسىن كەسىپ وتەمىن دەگەن ويى دا ىسكە اسپادى. قاشقىن ايتارلىقتاي جۇدەپ قالعان، شاش ۇلگىسى دە ادام تانىماستاي وزگەرگەن ەكەن.
ول 23 ناۋرىز كۇنى تانىستارىمەن بىرگە Infiniti جەڭىل كولىگى ارقىلى رەسەي شەكاراسىن وڭايلىقپەن كەسىپ وتكەن. ال قازاقستاندىق شەكارا قىزمەتكەرلەرى ونىڭ جالعان قۇجاتىنان كۇماندانعان. قۇجاتتا وزبەكستان ازاماتى ماقسات ايماتوۆ دەپ جازىلعان. شەكارادان وتەر كەزدە قاشقىن وز-وزىنە اسا سەنىمدى بولعان.
پوليسيا قىزمەتكەرلەرى قاشقىننىڭ قۇجاتتارى كاسىبي تۇردە جاسالعاندىعىن العا تارتىپ، ونى قولعا ءتۇسىرۋ قيىن بولعاندىعىن ايتادى. سونىمەن بىرگە ونىڭ سىرتقى كەلبەتى وتە قاتتى وزگەرگەندىگى دە قوسىمشا سەبەپ بولىپ وتىر. وسى وقيعاعا بايلانىستى قازاقستاندىق شەكاراشىلار وزدەرىنىڭ كاسىبي شەبەرلىكتەرىن دالەلدەي ءتۇستى.
كەيىن قوستاناي وبلىسىنىڭ ءىىب ساۋساق بەلگىلەرى ارقىلى شىمكەنت قالاسىندا ىزدەۋ سالىنعان قاشقىن-ميلليونەر، بۇرىنعى بانك قىزمەتكەرى ەكەندىگىن انىقتادى. بىرنەشە كۇننەن كەيىن بارلىق قۇجاتتار جيناقتالىپ ماقسات ايماتوۆ شىمكەنت قالاسىنىڭ پوليسيا قىزمەتكەرلەرىنە تاپسىرىلدى.
تەرگەۋ جۇرگىزۋ بارىسىندا ول اقشانى ءبولىپ-بولىپ 70 – 90 ميلليون تەڭگەلەپ العاندىعى بەلگىلى بولدى. وتباسىن سول اقشانىڭ ءبىر بولىگىمەن اسىراعان، قالعان اقشانى كازينو ويناپ ءوز قىزىعۋشىلىعىنا جۇمساعان. وتباسىمەن كەزدەسۋ ءۇشىن زاڭسىز تۇردە شەكارادان ءوتۋ بارىسىندا قىلمىس بەلگىلى بولىپ، ءوز ەركىمەن بەرىلەندەگى مالىمدەندى.

اۋدارعان: اسەل وتەشوۆا