رەسەيدە كەزەكتى جارىلىس ورىن الدى. بۇل جولى دون بويىنداعى روستوۆ قالاسىنىڭ ورتالىعىندا بولدى، دەپ حابارلايدى «قامشى» پورتالى.
تاسس اگەنتتىگىنىڭ حابارلاۋىنشا، روستوۆ قالاسىنىڭ ورتالىعىندا جارىلىس بولىپ، سالدارىنان ءبىر ەر ادام جارالاندى. كەۋدە تۇسىن كۇيىك شالىپ، ءبىر ساۋساعىنان ايىرىلعان ەر ادام دەرەۋ اۋرۋحاناعا جەتكىزىلدى.
پوليسەي قىزمەتكەرلەرى وقيعا ورنىنا جەدەل اتتاندى. ناقتىلانعان اقپاراتقا سۇيەنسەك، توتەنشە جاعداي سوسياليستيچەسكيي كوشەسىنىڭ بويىنداعى مەكتەپ ماڭىندا تاڭعى 7:00-دە بولعان.
«№ 5 ليسەي كۇزەتشىسى مەكتەپ اۋماعىن ارالاپ جۇرگەن كەزدە جەردە قالتا شامىنا ۇقساس زات جاتقانىن بايقاعان. ونى كوتەرە بەرگەندە، جارىلىس بولدى»، - دەپ جازادى ب ا ق.
ءقازىر اتالعان ىسكە قاتىستى تەرگەۋ جۇمىستارى جۇرگىزىلىپ جاتىر.
